ომბუდსმენი - გასულ წელს სამართალდამცველები აქტიურად მიმართავდნენ შეკრების მონაწილეთა ადმინისტრაციულ დაკავებას წვრილმანი ხულიგნობისა და სამართალდამცავების კანონიერი მოთხოვნის დაუმორჩილებლობის გამო

სახალხო დამცველის ნინო ლომჯარიას განცხადებით, 2020 წელს სამართალდამცველები აქტიურად მიმართავდნენ შეკრების მონაწილეთა ადმინისტრაციული დაკავების პრაქტიკას, რაც ხშირ შემთხვევაში, გამოხატვისა და შეკრების თავისუფლებით დაცულ სფეროშო გაუმართლებელ და არაპროპორციულ ჩარევას იწვევს.

მისივე თქმით, შეკრების თავისუფლებით სარგებლობა კითხვის ნიშნის ქვეშ პანდემიამ და მასთან დაკავშირებულმა შეზღუდვებმა დააყენა.

„რაც შეეხება შეკრების თავისუფლებას, ამ თვალსაზრისით, ჩვენ შეგვიძლია ვთქვათ, რომ გასულ წელს სამართალდამცველები აქტიურად მიმართავდნენ შეკრების მონაწილეთა ადმინისტრაციული დაკავების პრაქტიკას წვრილმანი ხულიგნობისა და სამართალდამცავი ორგანოს თანამშრომლების კანონიერი მოთხოვნის დაუმორჩილებლობის გამო, რაც ხშირ შემთხვევაში, გამოხატვისა და შეკრების თავისუფლებით დაცულ სფეროშო გაუმართლებელ და არაპროპორციულ ჩარევას იწვევს. ასევე, პანდემიამ დააყენა, რა თქმა უნდა, შეკრების თავისუფლებით სარგებლობა ძალიან დიდი გამოწვევის წინაშე და ის შემთხვევები, როდესაც სამართალდამცავებმა სანქციები შეუფარდეს აქციის მონაწილეებს, რომლებმაც აქცია „კომენდანტის საათის“ პერიოდში აქციის ტერიტორია დატოვეს, შევაფასეთ, როგორც ადამიანის უფლებათა დარღვევის ფაქტები,“- განაცხადა ნინო ლომჯარიამ.

ანდრო გოცირიძე - 3+3-ის ფორმატის უსარგებლობა და საფრთხის შემცველობა ცხადია, უკრაინაში მიმდინარე მოვლენების ფონზე მასში საქართველოს გაწევრიანება, შესაძლოა, რუსეთიდან ჩვენზე ზეწოლის ერთ-ერთი მიმართულებაც იყოს
ქართული პრესის მიმოხილვა 17.01.2022
იოსებ ბარათაშვილი - ხაზარაძე-ჯაფარიძისა და წერეთლის საქმე  ერთი მხრივ, შერჩევითი და შეკვეთილი  მართლმსაჯულების, ხოლო მეორე მხრივ კი გამოძიების მწარმოებელი ორგანოს არაკომპეტენტურობის ნიმუშია
ტერაბანკი სამომხმარებლო სესხებსა და საკრედიტო ბარათებზე აქციას იწყებს
"სილქნეტის" ულიმიტო პაკეტები აქტიური ზამთრისთვის