ანა ნაცვლიშვილი - 19 აპრილს ხელმოწერილი შეთანხმებით ყველანი ვართ შებოჭილები, არ დავიწყოთ გასაუბრების პროცესი მანამ, სანამ არ შევცვლით კანონს
19 აპრილს ხელმოწერილი შეთანხმებით ყველანი ვართ შებოჭილები, არ დავიწყოთ გასაუბრების პროცესი მანამ, სანამ არ შევცვლით კანონს და ახალი კანონის და წესების პირობებში არ ჩატარდება გასაუბრებები მოსამართლეობის კანდიდატებთან, - ამის შესახებ ჟურნალისტებთან „ლელოს“ დეპუტატმა ანა ნაცვლიშვილმა განაცხადა.
როგორც მან აღნიშნა, „ლელოს“ მომზადებული აქვს ხედვა, როგორ უნდა განხორციელდეს მართლმსაჯულების რეფორმა და უახლოეს დღეებში ის საჯაროდ გახდება ცნობილი.
„იუსტიციის საბჭო არ არის შეთანხმების ხელმომწერი, შესაბამისად, მათ ჰქონდათ სურვილი და ჩაატარეს ეს გასაუბრებები. მიშელის შეთანხმების ხელმომწერი არის საქართველოს პარლამენტი, მათ შორის მმართველი ძალა და 19 აპრილს ხელმოწერილი შეთანხმებით ყველანი ვართ შებოჭილები, არ დავიწყოთ გასაუბრების პროცესი მანამ, სანამ არ შევცვლით კანონს და ახალი კანონის და წესების პირობებში არ ჩატარდება გასაუბრებები. ჩვენ შეთანხმების დარღვევას არ ვაპირებთ. მაშინ გამოვიდეს ის პოლიტიკური ძალა, რომელიც ამას აპირებს და ეს განაცხადოს თამამად, თუ ვინმე ფიქრობს, რომ დაარღვევს შეთანხმებაში შავით თეთრზე ჩაწერილ პირობას - ჯერ რეფორმა და შემდეგ დანიშვნები,“ - განაცხადა ნაცვლიშვილმა.
