„საქსტატი“ ბიზნეს სექტორის წარმომადგენლებს ხვდება

საქართველოს სტატისტიკის ეროვნული სამსახური სტატისტიკური ინფორმაციის მომხმარებლებისთვის, გასვლით სამუშაო შეხვედრებს აგრძელებს.

როგორც „ინტერპრესნიუსს” საქართველოს სტატისტიკის ეროვნული სამსახურიდან აცნობეს, შეხვედრა, რომელიც 17-18 ივნისს ბორჯომში მიმდინარეობს, გაერო-ს განვითარების პროგრამისა (UNDP) და შვედეთის მთავრობის მიერ დაფინანსებული პროექტის - “საქსტატის ინფრასტრუქტურის გაძლიერება და შესაძლებლობების განვითარება" ფარგლებში ტარდება.

„გასვლით სამუშაო შეხვედრას, რომელშიც მონაწილეობას იღებენ დარგობრივი ბიზნეს ასოციაციების ხელმძღვანელი პირები და ბიზნესის წარმომადგენლები, „საქსტატის“ აღმასრულებელი დირექტორი გოგიტა თოდრაძე ხელმძღვანელობს. ორდღიანი სამუშაო შეხვედრისას, მონაწილეები ეცნობიან საქართველოს სტატისტიკის სისტემის განვითარების ძირითად მიმართულებებს, „საქსტატის“ მიერ შემუშავებულ პროდუქტებს, სერვისებს და სამომავლო გეგმებს. ასევე, განიხილავენ სტატისტიკური მაჩვენებლების გაანგარიშების მეთოდოლოგიურ თავისებურებებსა და მათ გამოყენებასთან დაკავშირებულ საკითხებს, ასევე სხვადასხვა სტატისტიკური ინდიკატორებისა და მონაცემების საჭიროებებზე იმსჯელებენ.

შეხვედრის ფარგლებში გაიმართება დისკუსია, განიხილება სტატისტიკურ მონაცემებთან არსებული საჭიროებები, რომელიც აისახება „საქსტატის“ სამომავლო გეგმებში. აღნიშნული პროექტის ფარგლებში დაგეგმილია ათი სამუშაო შეხვედრის ჩატარება, სადაც მონაწილეობას მიიღებენ სტატისტიკური ინფორმაციის მომხმარებლების სხვადასხვა ჯგუფები”, - ნათქვამია ინფორმაციაში.

გიორგი კუნაძე - რუსეთის რეჟიმის  კრახი გარდაუვალია, დღეს უკვე ცხადად ჩანს, რომ ეს მხოლოდ დროის საკითხია
ქართული პრესის მიმოხილვა 11.08.2022
ტექინსპექტირების ცენტრების კავშირის თავმჯდომარე - ტექინსპექტირების გაუვლელობისთვის ჯარიმები ძვირდება - პირველადი ჯარიმა 50 ლარი დარჩება, ყოველი შემდგომი დაჯარიმებისთვის კი თანხა გაიზრდება
საქართველოში „ვებსტერის უნივერსიტეტის“ უცხოელი პროფესორების ვინაობა ცნობილია
BTU მსოფლიოს წამყვან კიბერუსაფრთხოების ორგანიზაციასთან თანამშრომლობას იწყებს
Fitch-მა "ლიბერთის" საკრედიტო რეიტინგის მოლოდინი "სტაბილურად" შეაფასა
„მოასწარი ზაფხული“ - ლიბერთის ახალი აქცია სამომხმარებლო სესხებზე დაიწყო