დავით სერგეენკო ოპოზიციის კრიტიკაზე - შეძლებით ყველაფერი შეიძლება, მაგრამ არ არის სწორი სახელმწიფო ინსტიტუტების, ამ შემთხვევაში პროკურატურის დასკვნაში ასე ხელაღებით შეიტანონ ეჭვი

ოპოზიცია ერთი პირით იძახის, რომ სახელმწიფო ინსტიტუციების სიძლიერე არის ქვეყნის განმსაზღვრელი, ვეთანხმები. მეორე პირით კი იძახის, რომ პროკურატურა მარიონეტია და წერს რაღაცას, რაც მოესურვება - არ შეიძლება სახელმწიფო ინსტიტუტების დევალვაციის მცდელობა,- ასე აფასებს პარლამენტის ვიცე-სპიკერი დავით სერგეენკო ჟურნალისტებთან, ბერა ივანიშვილისა და ირაკლი ღარიბაშვილის ჩანაწერის შესახებ პროკურატურის განცხადებაზე ოპოზიციის კრიტიკას.

სერგეენკოს განცხადებით, ოპოზიციონერ დეპუტატებს შეუძლიათ დაინტერესდნენ და ნახონ მასალები, რის საფუძველზეც გააკეთა პროკურატურამ ეს განცხადება.

„შეძლებით ყველაფერი შეიძლება, მაგრამ არ არის სწორი სახელმწიფო ინსტიტუტების, ამ შემთხვევაში პროკურატურის დასკვნაში ასე ხელაღებით შეიტანონ ეჭვი. მინიმუმ უნდა ნახონ, რის საფუძველზე გააკეთეს ეს დასკვნა და ამის მერე იმსჯელონ, რომ ეს ყალბია. ასე ხელის აქნევით, რომ პროკურატურამ ეს ყველაფერი არასწორად ქნა, არასწორია. ბრალდება, რომ მათ ასე პოლიტიკური მოტოვით გააკეთეს, საჭიროებს დასაბუთებას“, - განაცხადა სერგეენკომ.

ზურაბ ბატიაშვილი - საქართველოს მთავარი პრობლემა იმაშია, რომ საბჭოთა კავშირი იურიდიულად 31 წლის წინ კი დაიშალა, მაგრამ მენტალური საბჭოთა კავშირი ისევ აქაა და არსად წასულა
ქართული პრესის მიმოხილვა 15.08.2022
ეკატერინე ციმაკურიძე - სასამართლოსა და პროკურატურის რეფორმისთვის რეალური ნაბიჯების გადაუდგმელად ევროინტეგრაცია ვერ მოხდება, თუნდაც სხვა ყველა საკითხი შესრულდეს