სახალხო დამცველი - მომავალ კვირაში გვექნება განხილვა პლენარულ სხდომაზე, სადაც დეპუტატებს სრული შემადგენლობით ექნებათ შესაძლებლობა, დასვან შეკითხვები - ვფიქრობ, საინტერესო დისკუსია იქნება

დღის პირველ ნახევარში უფრო მეტი დეპუტატი იყო წარმოდგენილი და მათი მხრიდან გაჟღერდა შეკითხვები, თუმცა დღის მეორე ნახევარში უფრო მეტად საქმიანი დისკუსია იყო უწყებების წარმომადგენლებთან,- ამის შესახებ სახალხო დამცველმა ნინო ლომჯარიამ ადამიანის უფლებათა დაცვის კომიტეტზე მისი მოსმენის შემდეგ ჟურნალისტებს განუცხადა.

როგორც ლომჯარიამ აღნიშნა, ფიქრობს, რომ სახალხო დამცველის ანგარიშთან დაკავშირებით პლენარულ სხდომაზე საინტერესო დისკუსია წარიმართება, რადგან „ეს ანგარიში ყველა აქტუალურ საკითხს ეხება”.

„მომავალ კვირაში გვექნება განხილვა პლენარულ სხდომაზე, სადაც დეპუტატებს, უკვე სრული შემადგენლობით, ექნებათ შესაძლებლობა, დასვან შეკითხვები. ვფიქრობ, იქნება ძალიან საინტერესო დისკუსია იმიტომ, რომ ეს ანგარიში ფარავს ყველა იმ აქტუალურ, მათ შორის პოლიტიკურ საკითხებსაც, რასაც 2020 წლის განმავლობაში ჰქონდა ადგილი.

რეკომენდაციების დიდი ნაწილი ტრადიციულად მიემართება შინაგან საქმეთა სამინისტროს, იუსტიციის სამინისტროს, ასევე ჯანდაცვის სამინისტროს, განათლების სამინისტროს, შემდეგ მოდის სხვა უწყებები. 20-ზე მეტ უწყებასთან გვქონდა სამუშაო ფორმატში დისკუსია“, - განაცხადა ლომჯარიამ.

ემილ ავდალიანი - ყველაფერი რეგიონში საქართველოს უფრო მზარდ როლზე მოასწავებს, საჭიროა მხოლოდ შექმნილი ვითარების სწორად გამოყენება
ქართული პრესის მიმოხილვა 18.08.2022
ალექსეი გარანი - პუტინს უნდა რომ უკრაინა დათმობებზე წავიდეს, მაგრამ უკრაინა მშვიდობის სანაცვლოდ, ქვეყნის ტერიტორიულ მთლიანობასთან დაკავშირებული საკითხებით ვაჭრობას არ აპირებს
„ევროპელი სოციალისტების” წევრები, დავით ზილფიმიანი და ზაზა მიქაძე ერთობლივ განცხადებას ავრცელებენ
კომპანია PSP ფარმაცევტული სექტორის განვითარებაზე კონცენტრირდება და არაპროფილური ბიზნესებიდან გამოდის
კახა ოქრიაშვილი - საერთაშორისო იზოლაცია, უვიზო მიმოსვლის შეჩერება, ტოტალური გაღატაკება - აი, ეს მოაქვს ბატონ ივანიშვილს
გავლენიანმა საერთაშორისო ბიზნეს გამოცემა Global Finance-მა 2022 წლის გამარჯვებულები გამოავლინა