მომავალ კვირას პარლამენტის საგაზაფხულო სესია დაიხურება. პარლამენტის რეგლამენტის გათვალისწინებით, საგაზაფხულო სესია ივნისის ბოლო პარასკევს იხურება.

ივნისის ბოლო პარასკევი 25 ივნისია. ამ დღეს დაგეგმილია პლენარული სხდომა, სადაც გაწეული მუშაობის ანგარიშით პრემიერ-მინისტრს ირაკლი ღარიბაშვილს მოუსმენენ.

საგაზაფხულო სესია სწორედ პრემიერ-მინისტრის მოსმენით დაიხურება.

ამასთან, ამით პარლამენტი მუშაობას არ ასრულებს და რიგგარეშე სესიის ფორმატში მთელი ივლისის განმავლობაში იმუშავებს. არსებული ინფორმაციით, ივლისში დაგეგმილია უზენასესი სასამართლოს მოსამართლეების არჩევასა და ასევე, ცესკო-ს ახალი წესით დაკომპლექტების თაობაზე გადაწყვეტილებების მიღება.