"საქართველოს ბანკის" მხარდაჭერით Global Impact FinTech (GIFT) სამიტი გაიმართება

"საქართველოს ბანკი" ფინტექ ინდუსტრიის განვითარების ხელშეწყობის მიზნით პროექტების მხარდაჭერას აგრძელებს. ბანკის, StartUp Grind-ისა და "საქართველოს ეროვნული ბანკის" თანამშრომლობის ფარგლებში, 24 ივნისს, 10:00 საათზე, Global Impact FinTech (GIFT) სამიტი გაიმართება.

როგორც "საქართველოს ბანკში" აღნიშნავენ, ღონისძიება GIFT-ის, Fintech-ის მიმართულებით მსოფლიოში ყველაზე მსხვილი ფორუმის აღმოსავლეთ ევროპაში შემოსვლას ეძღვნება. შეხვედრა ონლაინ რეჟიმში, Zoom-ის პლატფორმის გამოყენებით ჩატარდება. მას 20 სხვადასხვა ქვეყნიდან 30-მდე საერთაშორისო დონის სპიკერი გაუძღვება.

მათივე ცნობით, სამიტზე ისეთი თემები იქნება განხილული, როგორიცაა: ღია და ინკლუზიური ფინანსები, გლობალური ფინტექ ეკოსისტემები და პოლიტიკის ჩარჩოები, ქალი ლიდერები ფინტექში და სხვა. წარმოდგენილ ორგანიზაციებს შორის კი იქნებიან: Citi, Standard Chartered Bank (SCB), DBS Bank, ჰონგ-კონგის, სინგაპურის, პორტუგალიისა და სხვა ქვეყნების ფინტექ ასოციაციები. ასევე, ცენტრალური ბანკები, და გაეროს, მსოფლიო ბანკის ჯგუფისა და აზიის განვითარების ბანკის სააგენტოების წარმომადგენლები.

ღონისძიებაზე დასასწრებად ეწვიეთ ბმულს: https://bit.ly/3iRCrJG

„ფინტექი ერთ-ერთი ყველაზე სწრაფად მზარდი ინდუსტრიაა. სწორედ ამიტომ, მნიშვნელოვანია ფინტექის ეკოსისტემის სხვადასხვა მოთამაშეებმა, იქნება ეს ბანკები, მსხვილი ტექნოლოგიური და აკადემიური წრეები თუ სხვა, მჭიდროდ ითანამშრომლონ. გლობალური პლატფორმის შექმნაც სწორედ ამ მიზანს ემსახურება და სფეროს სხვადასხვა წარმომადგენლებს შესაძლებლობას აძლევს ერთმანეთს გაუზიარონ საკუთარი ცოდნა და გამოცდილება. GIFT-ის სამიტი დამსწრეებს შესაძლებლობას მისცემს მსოფლიოს წამყვანი სპიკერებისგან მოისმინონ კიდევ უფრო სიღრმისეული და კომპლექსური ანალიზი აღნიშნულ სფეროსთან დაკავშირებით“, - აცხადებს ჯილ ებანოიძე, Global Impact FinTech-ის მმართველი დირექტორი.

ცნობისთვის, Global Impact FinTech (GIFT) Fintech-ის მიმართულებით მსოფლიოში ყველაზე მსხვილი, მრავალფეროვანი და ინკლუზიური ფორუმია, რომელიც ეკოსისტემის ლიდერებს 60 ქვეყნიდან აერთიანებს.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს