უმრავლესობის წევრის ირაკლი ქადაგიშვილის განცხადებით, საარჩევნო რეფორმასთან დაკავშირებით ვენეციის კომისის ყველა რეკომენდაცია გათვალისწინებულია და ამ კუთხით კანონმდებლობა სრულყოფილია.
როგორც ქადაგიშვილმა ჟურნალისტებს განუცხადა, ჩატარდება რიგგარეშე სხდომები, რათა ცენტრალური საარჩევნო კომისიის ფორმირება მოხდეს და ადგილობრივი არჩევნები ახალი კოდექსით ჩატარდეს.
„რა თქმა უნდა, საარჩევნო რეფორმაში ჩავდეთ ყველა ის რეკომენდაცია, რომელიც ვენეციის კომისიის მიერ იყო გაცემული. კანონმდებლობა ამ კუთხით სრულყოფილია. რიგგარეშე სხდომები გვექნება, რათა მოხდეს ცენტრალური საარჩევნო კომისიის ფორმირება და მომავალი თვითმმართველობის არჩევნები ახალი კოდექსით და განახლებული კომისიით ჩატარდეს“, - განაცხადა ქადაგიშვილმა.