ანა ნაცვლიშვილი - რასაც ჩვენ ახლა უნდა შევებრძოლოთ, არის ძველი და კარგად ნაცნობი ვირუსი - ძალაუფლების ბოროტად გამოყენების დიდი ცდუნება

თქვენ ბრძანეთ, რომ ეს ახალი ვირუსია, მაგრამ მე გეტყვით, რომ ის, რასაც ჩვენ ახლა უნდა შევებრძოლოთ, არის ძველი და კარგად ნაცნობი ვირუსი - ძალაუფლების ბოროტად გამოყენების დიდი ცდუნება, - ასე მიმართა „ლელოს“ დეპუტატმა ანა ნაცვლიშვილმა უმრავლესობის წევრ ლადო კახაძეს ადამიანის უფლებათა დაცვის კომიტეტის სხდომაზე, სადაც კახაძემ პანდემიის სამართავად მთავრობისთვის მინიჭებული უფლებამოსილების გახანგრძლივების თაობაზე კანონპროექტი წარმოადგინა.

ანა ნაცვლიშვილის თქმით, 2019 წლის შემდეგ, როცა პირველად მიიღო პარლამენტმა კანონში ცვლილებები და უფლებამოსილება მთავრობას გადასცა, ვითარება შეცვლილია.

„ნუ დავამახინჯებთ სურათს, ეს კანონპროექტი არ არის მხოლოდ ვადის გახანგრძლივება, ეს არის უზარმაზარი, უკონტროლო პასუხმოუკითხავ ვითარებაში მთავრობისთვის უფლებამოსილების გადაცემა, რომელმაც ერთხელ არ ჩათვალა ვალდებულად თავი ანგარიში გამოექვეყნებინა ან პარლამენტში მოსულიყო და საზოგადოებისთვის ჩაებარებინა ანგარიში, აქამდე როგორ მართა ეს ძალაუფლება. რატომ თვითონ არ ითხოვს მთავრობა ამ უფლებამოსილების გადაცემას და თქვენ რატომ ითხოვთ ამას მუდმივად. საერთოდ, სანამ ვიმსჯელებთ გახანგრძლივება-არგახანგრძლივებაზე, მთავრობა მოვიდეს და ანგარიში ჩაგვაბაროს ყველა მიმართულებით რა გააკეთა, აღიაროს შეცდომები და გადაცდომები, რომელიც დაემართა ამ უკონტროლო ძალაუფლების ფლობის დროს და რა ნაბიჯები გადადგა, რომ იგივე შეცდომებს არ გაიმეორებს. კორონავირუსი შედარებით ახალი ვირუსია, მაგრამ დადასტურებულია ისტორიულად, რომ ძველი და საშიში ვირუსია სამართლის უზენაესობის უგულებელყოფა. ეს არის უმნიშვნელოვანესი კანონპროექტი, რომელზეც მსჯელობაც კი არ უნდა დაიწყოს მანამ, სანამ აქ არ მობრძანდება მთავრობა ანგარიშებით, დასაბუთებით შეიარაღებული და არ ჩააბარებს საქართველოს მოქალაქეებს ანგარიშს თითოეულ დღეზე, თითოეულ თეთრზე, რომელიც მივიღეთ გრანტის, სესხის სახით და მერე გადავწყვიტოთ, თუ დამაკმყოფილებელი იქნება ეს ანგარიში, საჯაროდ ვდებ პირობას, იმის მიუხედავად, რომ პრინციპულად მნიშვნელოვნად მივიჩნევ, რომ პარლამენტმა მართოს ეს სიტუაცია და არა მთავრობამ, თუ მთავრობის ანგარიში იქნება დამაკმაყოფილებელი, დავუჭერ მხარს ვადის გახანგრძლივებას. თუმცა, ასე უპასუხისმგებლოდ ამის გაკეთებას სამართლის ენაზე ჰქვია თვითნებობა და თვითნებობის დაკანონება პარლამენტის მხრიდან არის სირცხვილი, ამას ვერ გავაკეთებთ,“-განაცხადა ნაცვლიშვილმა.

გიორგი კანაშვილი - თუ ოპოზიციამ ვერ მოახერხა დამატებითი ამომრჩევლის გამოყვანა, ხოლო „ოცნებამ“ სულ მცირე იგივე რაოდენობა გამოიყვანა, რაც პირველ ტურში, შედეგი ოპოზიციისთვის  მძიმე იქნება
ქართული პრესის მიმოხილვა 28.10.2021
ჰუმანური შრომითი პოლიტიკა - რას ნიშნავს შრომით ბაზარზე გამოჩენილი ახალი ტენდენცია
ხათუნა ბურკაძე - დიდი სტრატეგიის შემუშავებით შევძლებთ ქვეყნის ინტერესების უზრუნველყოფას
გაიაქტიურეთ "სილქფესტის" საშემოდგომო შეთავაზებები შეუზღუდავად
მიიღე განსაკუთრებული შეთავაზებები მხოლოდ ოფიციალური Samsung-ის შეძენისას
BDO: ყველაზე ცნობადი ბრენდი საქართველოს ბიზნეს საკონსულტაციო კომპანიების ბაზარზე
„მიჰაუსში“ ჰელოუინთან დაკავშირებით დიდი ფასდაკლება დაიწყო
ამბასადორი ბათუმი აილენდი მულტიფუნქციური ხელოვნური კუნძულის მშენებლობისთვის ტექნიკურ კვლევებს აწარმოებს
თბილისი აუთლეტ ვილიჯი ცენტრალური და აღმოსავლეთ ევროპის საუკეთესო პროექტად დასახელდა