ანა ნაცვლიშვილი "საარჩევნო კოდექსზე" - არის საკითხები, რაზეც უკვე ნათელია, რომ არ არის მზაობა მმართველი გუნდის მხრიდან, მათ შორის ვენეციის კომისიის რიგი რეკომენდაციების გათვალისწინების თვალსაზრისით

“ლელოს” წევრის ანა ნაცვლიშვილის განცხადებით, “საარჩევნო კოდექსის” პლენარურ სხდომაზე განხილვამდე, კიდევ ერთი სამუშაო შეხვედრა გაიმართება.

ამის შესახებ ნაცვლიშვილმა პარლამენტში განაცხადა, სადაც იურიდიულ საკითხთა კომიტეტზე “საარჩევნო კოდექსში” შესატან ცვლილებებზე ამ დრომდე მსჯელობენ.

ნაცვლიშვილის თქმით, არის გარკვეული საკითხები, მათ შორის ვენეციის კომისიის რიგი რეკომენდაციები, რომელთა გაზიარების მზაობა მმართველ გუნდს არ აქვს.

“არის საკითხები, სადაც მონიშნულ იქნა ინიციატორთა მხრიდან, რომ სესიაზე გასვლამდე მოხდება კიდევ ერთხელ სამუშაო შეხვედრის ფორმატში გავლა. შევთანხმდით, რომ ფორმულირებებზე ვიფიქრებთ, თუმცა ეს ფორმულირებები, ზოგი ჩვენ უნდა მივაწოდოთ, ზოგზე თავად იფიქრებენ, ხოლო გათვალისწინებაზე სიცხადე არ გვაქვს. ეს უფრო ნათელი გახდება ოთხშაბათს სამუშაო შეხვედრის შემდეგ და ხუთშაბათს, როდესაც საარჩევნო კოდექსი პლენარულზე იქნება განხილული მეორე მოსმენით. არის საკითხები, რაზეც უკვე ნათელია, რომ არ არის მზაობა მმართველი გუნდის მხრიდან, მათ შორის ვენეციის კომისიის რიგი რეკომენდაციების გათვალისწინების თვალსაზრისით”,- განაცხადა ნაცვლიშვილმა.

ვლადიმერ ფესენკო - უკრაინის გარეშე უკრაინის მომავალზე შეთანხმების ნებისმიერი მცდელობები დამარცხებისთვისაა განწირული
ქართული პრესის მიმოხილვა 26.07.2021
თორნიკე შარაშენიძე - ხელისუფლების სერიოზული შეცდომა იყო ვაშინგტონისთვის არასწორი ინფორმაციის მიწოდებაში აშშ-ს ელჩის დადანაშაულება, შესაძლოა, ეს ამბავი მათ მომავალში ცუდადაც კი დაუბრუნდეთ
საქართველოს რეგიონალური პოზიციონირება ყარაბაღის კონტექსტის გათვალისწინებით: ცალკეული ასპექტები
საფრანგეთის განვითარების საფინანსო ინსტიტუტი პროპარკო (Groupe Agence Française de Développement) კრედო ბანკის აქციონერი გახდა
„ემბავუდმა“ ოქროს ბრენდის წოდება მოიპოვა