პარლამენტის თავმჯდომარის პირველმა მოადგილემ, გიორგი ვოლსკიმ პლენარულ სხდომაზე ანსამბლ „ქართული ხმების“ სოლისტის, ზურაბ ბაკურაძის გარდაცვალების გამო მწუხარება გამოთქვა და პარლამენტის სახელით ოჯახს მიუსამძიმრა.

„ამ დიდ მწუხარებაში მხარდაჭერასა და თანადგომას ვუცხადებთ „ქართული ხმების“ სოლისტის, ზურაბ ბაკურაძის ხსოვნას. სამწუხაროდ, მისი სახით ძალიან კარგი ახალგაზრდა ხელოვანი დააკლდა ჩვენს საზოგადოებას“,- განაცხადა გიორგი ვოლსკიმ.