სამწუხაროდ, გიორგი გახარია გუბაზ სანიკიძის გზას დაადგა და ეს გზა როგორ მთავრდება, კარგად ვიცით, - ამის შესახებ უმრავლესობის წევრმა, რატი იონათამიშვილმა განაცხადა, რითაც გამოეხმაურა მედიაში გავრცელებულ ინფორმაციას ვაშინგტონში მიხეილ სააკაშვილისა და გიორგი გახარიას შეხვედრის შესახებ.
იონათამიშვილმა აღნიშნა, რომ მისთვის ეს "უხერხული ფაქტია".
"სამწუხაროდ, გიორგი გახარია გუბაზ სანიკიძის გზას დაადგა და ეს გზა საბოლოო ჯამში როგორ მთავრდება კარგად ვიცით. ეს ჩემთვის საკმაოდ უხერხული ფაქტი იყო, ასე შევაფასებდი. ვფიქრობ, რომ მან უხერხულ მდგომარეობაში ჩააგდო საკუთარი თანაგუნდელებიც, რომლებიც ცდილობდნენ იმის გამართლებას, რომ თითქოს არ ყოფილა, რაც უკვე თითოეულმა ჩვენთაგანმა სურათებით ვნახეთ" , - განაცხადა იონათამიშვილი.
ცნობისათვის, "რუსთავი 2"- მა გაავრცელა ინფორმაცია, რომ ვაშინგტონში მიხეილ სააკაშვილსა და გიორგი გახარიას შორის კონსპირაციული შეხვედრა შედგა.