ხატია დეკანოიძე - არ გამოვრიცხავ, თვითმმართველობის არჩევნებამდე "ქართული ოცნება" ერთპარტიულ პარლამენტში კვლავ მარტო დარჩეს

არ გამოვრიცხავ, რომ თვითმმართველობის არჩევნებამდე "ქართული ოცნება" კვლავ მარტო დარჩეს ერთპარტიულ პარლამენტში, - ამის შესახებ "ნაციონალური მოძრაობის" წევრმა ხატია დეკანოიძემ განაცხადა, რითაც "ლელოს" ლიდერის მამუკა ხაზარაძის ინიციატივას გამოეხმაურა, რომ ოპოზიციამ "ქართული ოცნება" პარლამენტში მარტო დატოვოს იმ შემთხვევაში, თუ მმართველი გუნდი უზენაესი სასამართლოს მოსამართლეების დანიშვნის პროცესს არ შეაჩერებს.

მისივე თქმით, თუ ასეთი გადაწყვეტილების მიღება დადგება, ეს იქნება პარტიის პოლიტსაბჭოზე განხილული გადაწყვეტილება.

"ჩვენ ვამბობდით იმას, რომ შეთანხმებას "ქართული ოცნება" არ შეასრულებს და დაარღვევს. ამიტომ , რა თქმა უნდა, მესმის, რომ ჩვენ უნდა ვიბრძოლოთ იმისთვის, რომ "ოცნებას" ბევრი რამ დავათმობინოთ. მაგრამ სწორედაც პირველი, როდესაც დაირღვა ეს შეთანხმება იყო ადმინისტრაციულ სამართალდარღვევათა კოდექსში შეტანილი ცვლილებები. ჩვენ ბოიკოტის შეწყვეტის გადაწყვეტილება მივიღეთ ყველაზე ბოლო, ახალი პოლიტიკური რეალობის გათვალისწინებით, მათ შორის პოლიტსაბჭოზე და თუ ასეთი გადაწყვეტილების მიღება დადგება, ეს იქნება ასევე პარტიის პოლიტსაბჭოზე განხილული გადაწყვეტილება. აქვე მინდა დავამატო მნიშვნელოვანი რამ - მოსამართლეების დანიშვნა და სასამართლო სისტემაში არსებული მდგომარეობა, მათ შორის იმ შეთანხმების შესრულება, რომელსაც მიუერთდა თვითონ "ოცნება", გარკვეულ წილად არის წითელი ხაზი და მე არ გამოვრიცხავ, რომ თვითმმართველობის არჩევნებამდე "ქართული ოცნება" დარჩეს ერთპარტიულ პარლამენტში კვლავ მარტო. ჩვენ გვაქვს მოცემულობა, როდესაც არცერთი შეთანხმების პუნქტი არ სრულდება და არ სრულდება ის მოლოდინები, რომელიც გვქონდა, მათ შორის იმ ოპოზიციას , რომელმაც ხელი მოაწერა ამ შეთანხმებას", - განაცხადა დეკანოიძემ.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს