დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, ის “კანონმორჩილი კაცია" და მთავრობის მიერ დაწესებულ გადაწყვეტილებებს ასრულებს.
ჟურნალისტის კითხვაზე, იზიარებს თუ არა სახალხო დამცველის განცხადებას, რომ ვაქცინების დეფიციტის ფონზე, შეზღუდვების შემსუბუქებისას ადამიანის ჯანმრთელობის უფლებები ირღვევა, გამყრელიძე აღნიშნავს, რომ ის ამ განცხადებაზე პოლიტიკურ ანალიზს არ გააკეთებს.
„სახალხო დამცველი პოლიტიკური ფიგურაა, მე პოლიტიკურ ანალიზს არ ვაკეთებ. ვეთანხმები თუ არ ვეთანხმები, ჩემი აზრი ყოველთვის გამოდის იმ სხდომებზე, რასაც ვესწრები.
როდესაც გადაწყვეტილებაა მიღებული, მე ყოველთვის კანონმორჩილი კაცი ვარ და ამ გადაწყვეტილებას ვასრულებ. ყველას მაინც მოგიწოდებთ, კიდევ ერთხელ, რომ ეს რეკომენდაციაა, თქვენი გადასაწყვეტია, მაგრამ პირბადე ჯერ ვატაროთ",- აღნიშნავს გამყრელიძე.