Edison Research - გამოკითხული მოსახლეობის 57% გიორგი გახარიას მიმართაა დადებითად განწყობილი, 50% - კახა კალაძის, ხოლო 47% - ნიკა მელიას მიმართ

ტელეკომპანია „ფორმულა“ Edison Research-ის კვლევის შედეგებს აქვეყნებს.

Edison Research-ის კვლევის თანახმად, მოსახლეობის 57% ყოფილი პრემიერის გიორგი გახარიას მიმართ დადებითადაა განწყობილი, გამოკითხულთა 50%-ს კი თბილისის მერის, კახა კალაძის მიმართ დადებითი განწყობა აქვს; 47%-ს პოზიტიური განწყობა აქვს „ერთიანი ნაციონალური მოძრაობის“ თავმჯდომარის, ნიკა მელიას მიმართ.

„სტრატეგია აღმაშენებლის“ ლიდერის გიორგი ვაშაძის მიმართ დადებითი განწყობა გამოკითხულთა 43%-ს აქვს, „ქართული ოცნების" ყოფილი თავმჯდომარის, ბიძინა ივანიშვილის მიმართ 38% არის პოზიტიურად განწყობილი.

პრემიერ-მინისტრ ირაკლი ღარიბაშვილის მიმართ დადებითად არის განწყობილი 38%. პარტია „ხალხისთვის" ლიდერის ანა დოლიძის მიმართ პოზიტიური დამოკიდებულება 38%-ს აქვს.

ასევე კვლევის თანახმად, საქართველოს ყოფილი პრეზიდენტის, მიხეილ სააკაშვილის მიმართ 36% არის პოზიტიურად განწყობილი. „დროას“ ლიდერის, ელენე ხოშტარიას მიმართ დადებითად არის განწობილი 34%.

რაც შეეხება დანარჩენს პირებს: „ლეიბორისტული პარტიის“ ლიდერის, შალვა ნათელაშვილის მიმართ 34% არის დადებითად განწყობილი, „ერთიანი ნაციონალური მოძრაობის“ წევრის, ხატია დეკანოიძის მიმართ 33% არის დადებითად განწყობილი, საქართველოს პარლამენტის ყოფილი თავმჯდომარის და მოქმედი ვიცე - სპიკერის არჩილ თალაკვაძის მიმართ პოზიტიურადაა განწყობილი 33%. „ლელოს“ დეპუტატის ანა ნაცვლიშვილის მიმართ 33% არის დადებითად განწყობილი, პარტია „მოქალაქეების“ ლიდერის, ალეკო ელისაშვილის მიმართ 33% არის პოზიტიურად განწყობილი. საქართველოს პრეზიდენტის, სალომე ზურაბიშვილის მიმართ 30% არის დადებითად განწყობილი, „ქართული ოცნების“ თავმჯდომარის ირაკლი კობახიძის მიმართ დადებითი განწყობა გამოკითხულთა 29%-ს აქვს, გამოკითხულთა 28% მამუკა ხაზარაძეს ასახელებს, 27%- სალომე სამადაშვილს, ბადრი ჯაფარიძეს - 26%, ზურაბ გირჩი ჯაფარიძეს - 26%, ნინო ბურჯანაძეს - 24%, ირმა ინაშვილს - 24%, კახა კუჭავას - 22%, საბა ბუაძეს - 19%, გიგა ბოკერიას - 18%.

საზოგადოებრივი აზრის გამოკითხვა ტელეკომპანია "ფორმულას" დაკვეთით კვლევითმა კომპანიამ Edison Research ჩაატარა.

კვლევის ფარგლებში, პირისპირი გამოკითხვის მეთოდით, ქვეყნის მასშტაბით გამოიკითხა საქართველოში მცხოვრები 1500 საარჩევნო უფლების მქონე 18 წლისა და მეტი ასაკის ადამიანი. მათ შორის, 800 თბილისში, 700 დედაქალაქს გარეთ. კვლევა 7 - 19 ივნისის პერიოდში ჩატარდა. შედეგების ცდომილება +/- 3%-ია.

თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
ქართული პრესის მიმოხილვა 16.09.2021
იოსებ ბარათაშვილი - თუ უმოკლეს ვადებში არ გამოქვეყნდა რა აუცილებლობით კეთდებოდა ფარული ჩანაწერები, ხელისუფლებას მოუწევს პასუხისმგებლობის აღება ძალზე მძიმე ბრალდებაზე
ნიუ ვიჟენ უნივერსიტეტი საზოგადოებას კინემატოგრაფიაში ამერიკულ სამაგისტრო პროგრამას სთავაზობს
კრიპტალი მომხმარებლებს 1 მილიონ შიბა ინუს (ელექტრონული ფული) ჩუქნის
BDO Digital-ი SWIFT-ის ოფიციალური პარტნიორი გახდა
BDO Digital-ი კომპანიებს აქტივების მართვის თანამედროვე გადაწყვეტას სთავაზობს