გიორგი ვაშაძე - „ედისონ რისერჩი“ უჩვენებს, რომ ამ ქვეყანაში ხელისუფლება შეიცვლება, „ქართული ოცნება“ 43%-ს ვერ დააგროვებს

„ედისონ რისერჩი“ უჩვენებს, რომ ამ ქვეყანაში ხელისუფლება შეიცვლება, „ქართული ოცნება“ 43%-ს ვერ დააგროვებს, - ასე აფასებს „სტრატეგია აღმაშენებლის“ ლიდერი, გიორგი ვაშაძე „ედისონ რისერჩის“ კვლევებს.

მან დედაქალაქის მოქმედი მერის, კახა კალაძის რეიტინგზეც ისაუბრა, რომლის მიმართაც „ედისონ რისერჩის“ კვლევის თანახმად გამოკითხულთა 50%-ს დადებითი დამოკიდებულება აქვს და აღნიშნა, რომ ის კახა კალაძეს „ძალიან დაბალ შანსს უწინასწარმეტყველებს, რომ მერობა შეინარჩუნოს“.

„ედისონ რისერჩი“ უჩვენებს, რომ ამ ქვეყანაში ხელისუფლება შეიცვლება, „ქართული ოცნება“ 43%-ს ვერ დააგროვებს. ძალიან კარგად ჩანს, რომ ის სტრატეგია, რაც „სტრატეგია აღმაშენებელს“ გვაქვს, გამარჯვების სტრატეგიაა, მაქსიმალურად მეტი ხმა უნდა გამოვიტანოთ.

პირად რეიტინგში ძალიან მაღალი გვაქვს, მაგრამ როგორც ჩანს, ბევრს ჯერ კიდევ ვერ ავუხსენით, რომ „სტრატეგია აღმაშენებელი“ ცალკე პოლიტიკური ძალაა. ვფიქრობ, ეს ერთ-ერთი მნიშვნელოვანი საკითხია, რომ პარტიის რეიტინგი გაიზარდოს.

რაც შეეხება კახა კალაძეს, კახა კალაძის მხილებებს დაელოდეთ, ძალიან დაბალ შანსს ვუწინასწარმეტყველებ, რომ მერობა შეინარჩუნოს“, - აღნიშნავს ვაშაძე.

ცნობისთვის, ტელეკომპანია „ფორმულა“ Edison Research-ის კვლევის შედეგებს აქვეყნებს. Edison Research-ის კვლევის თანახმად, მოსახლეობის 57% ყოფილი პრემიერის გიორგი გახარიას მიმართ დადებითადაა განწყობილი, გამოკითხულთა 50%-ს კი თბილისის მერის, კახა კალაძის მიმართ დადებითი განწყობა აქვს; 47%-ს პოზიტიური განწყობა აქვს „ერთიანი ნაციონალური მოძრაობის“ თავმჯდომარის, ნიკა მელიას მიმართ.

კითხვაზე, "ადგილობრივი თვითმმართველობის არჩევნები დღეს რომ ტარდებოდეს, ვის მისცემდით ხმას?" - Edison Research-ის კვლევის შედეგების ალოკაციის მიხედვით, პარტიების რეიტინგები შემდეგნაირად გადანაწილდა:

„ქართული ოცნება“ - 32%; „ნაციონალური მოძრაობა - გაერთიანებული ოპოზიცია“ - 24%; გიორგი გახარია - „საქართველოსთვის“ - 13%; გიორგი ვაშაძე „სტრატეგია აღმაშენებელი“ - 4%; „ლელო“ - 4%; შალვა ნათელაშვილი - „ლეიბორისტული პარტია“ - 3%; დავით თარხან მოურავი & ირმა ინაშვილი - „პატრიოტთა ალიანსი“ - 3%; ლევან ვასაძე - „ერი“ - 3%; ზურაბ ჯაფარიძე - „გირჩი - მეტი თავისუფლება“ - 2%; „გირჩი“ - 2%; ანა დოლიძე - „ხალხისთვის“ - 2%; ალექსანდრე ელისაშვილი - „მოქალაქეები“ - 2%; „ევროპული საქართველო - მოძრაობა თავისუფლებისთვის“ - გიგა ბოკერია - 1%; ელენე ხოშტარია - „დროა“ - 1%;

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს