გიორგი ვაშაძე - ღარიბაშვილის ანგარიშში პოზიტივიც ვიპოვე - მისი პირველი პრემიერობიდან მეორე პრემიერობამდე „ვეფხისტყაოსანი“ ინდურად ვთარგმნეთ - დანარჩენი ტყუილი და ცინიზმია

რომ არავინ თქვას, რომ მხოლოდ ცუდს ვეძებ, ვიპოვე პოზიტივი მის ანგარიშში - მისი პირველი პრემიერობიდან მეორე პრემიერობამდე „ვეფხისტყაოსანი“ ინდურად ვთარგმნეთ. დანარჩენი ტყუილი და ცინიზმია, - ამის შესახებ „სტრატეგია აღმაშენებლის“ ლიდერმა გიორგი ვაშაძემ ჟურნალისტებს პარლამენტში განუცხადა, სადაც დეპუტატები პრემიერ-მინისტრს უსმენენ.

როგორც ვაშაძემ განაცხადა, პრემიერის ანგარიშის მოსმენისას გაუჩნდა კითხვა, „სად გადის ტყუილისა და ცინიზმის ზღვარი“.

„რაც შეიძლება სწრაფად ეს ტყუილი და ცინიზმი რომ დავასრულოთ, ეს ხალხი ხელისუფლებიდან უნდა გავუშვათ. რომ არავინ თქვას, რომ მხოლოდ ცუდს ვეძებ, ვიპოვე პოზიტივი მის ანგარიშში. მადლობა ინდოეთის რეპუბლიკაში ჩვენს საელჩოს და ბატონ ბუ კინგერ აზიზ პარიჰარს - ესაა ინდოელი პოეტი, რომელმაც „ვეფხისტყაოსანი“ ინდურ ენაზე თარგმნა. ეს მართლაც საშვილიშვილო ისტორიული საქმეა. ეს ერთი საქმე შეგვიძლია ჩავითვალოთ გაკეთებულ საქმედ ამ 9 წლის განმავლობაში. მისი პირველი პრემიერობიდან მეორე პრემიერობამდე „ვეფხისტყაოსანი“ ინდურად ვთარგმენთ. მადლობა ამისთვის. დანარჩენი ტყუილი და ცინიზმია“, - განაცხადა ვაშაძემ.

კახა გოგოლაშვილი - როცა სტაბილიზაციისკენ მიმართული ნებისმიერი კონსტრუქცია ინგრევა, იქ სამოქალაქო დაპირისპირების საფრთხეც არსებობს
ქართული პრესის მიმოხილვა 29.07.2021
ლევან ალაფიშვილი - ოპოზიციამ მიუტევებელი შეცდომა დაუშვა, როცა პლებისციტი თვითმმართველობის არჩევნებზე მიბმულ პროცენტში გაცვალა
რა უპირატესობები აქვს სამსუნგის სმარტფონს ოფიციალური ჰოლოგრამით?
სიახლე PSP-სგან - ფრანგული დერმატოლოგიური კოსმეტიკის ინოვაციური ბრენდი SVR უკვე საქართველოშია
გაყინული კრემიდან „თოლიას“ რეცეპტებამდე, ანუ ყველაფერი, რაც ნაყინის შესახებ უნდა იცოდე