საგარეო უწყების ინფორმაციით, გლობალური კოალიციის მინისტერიალზე შეხვედრისას აშშ-ს მხრიდან კიდევ ერთხელ დადასტურდა საქართველოს საკითხის პრიორიტეტულობა

საქართველოს ვიცე-პრემიერი, საგარეო საქმეთა მინისტრი დავით ზალკალიანი ქ. რომში ვიზიტის ფარგლებში, აშშ-ს სახელმწიფო მდივნის მოქმედ მოადგილეს ფილიპ რიკერს შეხვდა, რა დროსაც განხილული იქნა სტრატეგიულ პარტნიორებს შორის თანამშრომლობის მიმდინარე საკითხები. ამის შესახებ ინფორმაციას საქართველოს საგარეო საქმეთა სამინისტრო ავრცელებს.

უწყების ცნობით, შეხვედრაზე კიდევ ერთხელ აღინიშნა საქართველოს სტრატეგიული მნიშვნელობა აშშ-სთვის რეგიონში და ხაზი გაესვა საქართველოს პრემიერ-მინისტრის მიერ განხორციელებულ წარმატებულ მედიაციას აზერბაიჯანსა და სომხეთს შორის, როგორც მნიშვნელოვან პრაქტიკულ ნაბიჯს რეგიონში სტაბილურობისა და მშვიდობიანი განვითარებისთვის. აღინიშნა ქართული მხარის ჩართულობით პროცესის შემდგომი გაგრძელების მნიშვნელობა და მზაობა პარტნიორებთან ერთობლივი ქმედებებით უზრუნველყოფილი იქნას მდგრადი სტაბილურობა სამხრეთ კავკასიაში.

„საუბარი ასევე შეეხო საქართველოს ოკუპირებულ რეგიონებში არსებულ უმძიმეს უსაფრთხოების გარემოს და საოკუპაციო რეჟიმის მხრიდან განხორციელებულ დესტრუქციულ ქმედებებს. განსაკუთრებული ყურადღება დაეთმო ზაზა გახელაძის საკითხს და მისი უკანონო პატიმრობიდან გათავისუფლების პროცესში საერთაშორისო საზოგადოების ძალისხმევას. შეხვედრაზე აღინიშნა, რომ საქართველოს ტერიტორიების ოკუპაციის და რუსეთ-საქართველოს კონფლიქტის მძიმე შედეგები, მუდმივად დგას და პრიორიტეტს წარმოადგენს ამერიკის მაღალ პოლიტიკურ დღის წესრიგში, ამ კონტექსტში მხარეებმა ისაუბრეს ნატოს სამიტზე, აშშ- ევროკავშირის სამიტსა და ჟენევაში გამართულ ამერიკა-რუსეთის სამიტზე, სადაც საქართველოს საკითხი იდგა განხილვის დღის წესრიგში და მნიშვნელოვანი მხარდამჭერი განცხადებები აისახა შესაბამის დოკუმენტებში. მხარეებმა ასევე ისაუბრეს მაღალი დონის შეხვედრების განხორციელების საკითხზე. საქართველოში მიმდინარე პოლიტიკური პროცესების განხილვისას კიდევ ერთხელ ხაზი გაესვა ყველა მხარის მიერ 19 აპრილის შეთანხმების შესრულებას. შეხვედრაზე მხარეებმა გამოთქვეს მზადყოფნა მაღალი დონის შეხვედრების განხორციელებაზე”, - აღნიშნულია უწყების პრესრელიზში.

ისრაელის ელჩი - საქართველოს ყველა მეგობრისთვის 5 ივლისის მოვლენები აბსოლუტურად შოკისმომგვრელი იყო
ქართული პრესის მიმოხილვა 02.08.2021
კახა გოგოლაშვილი - როცა სტაბილიზაციისკენ მიმართული ნებისმიერი კონსტრუქცია ინგრევა, იქ სამოქალაქო დაპირისპირების საფრთხეც არსებობს
გიორგი ხვედელიანი - ვადამდელი არჩევნების დანიშვნას მიშელის ხელშეკრულება კი არა, ქართველი ხალხის ნება გადაწყვეტს
კომპანია "იორკ თაუერსმა" დავით ტურაშვილთან ერთად ახალი კამპანია წამოიწყო
"სამსუნგის" Bespoke მაცივარი - შექმნილია შენთვის, შენ მიერ (R)
GIZ-ის მხარდაჭერით დაგეგმილია გარემოს ეროვნული სააგენტოს ხელშეწყობა თანამედროვე მონიტორინგული სისტემების დანერგვის პროცესში
„ნიკოს ეზო“ და „ფარდაგები რაჭიდან“ - Social Impact Award-ის ფინალისტები საგანმანათლებლო სფეროდან