შპს “საქართველოს გაზის ტრანსპორტირების კომპანია” მიმდინარე წლის 1-ელ ივლისს "ყარადაღ-თბილისის " D 700 მმ-იანი მაგისტრალური გაზსადენის 484,0 - 506,8 კმ-ებს შორის, სარემონტო-სარეაბილიტაციო სამუშაოებს განახორციელებს. ამის შესახებ ინფორმაციას “საქართველოს გაზის ტრანსპორტირების კომპანია“ ავრცელებს.
კომპანიის ინფორმაცით, აღნიშნული სამუშაოებიდან გამომდინარე, მიმდინარე წლის 1-ელ ივლისს 06:00 საათიდან 16:00 საათამდე ბუნებრივი გაზის მიწოდება შეეზღუდებათ: შპს "ნასა+" _სს, შპს "სოკარ ჯორჯია გაზსა " ( ახალი სამგორი) და შპს "ტავ ურბან საქართველოს" (აეროპორტი).
„შპს “საქართველოს გაზის ტრანსპორტირების კომპანია” სისტემატურად ახორციელებს გაზსადენებისა და გაზგამანაწილებელი სადგურების სარემონტო-სარეაბილიტაციო სამუშაოებს, რაც უზრუნველყოფს მომხმარებლების უსაფრთხო, საიმედო და უწყვეტ გაზმომარაგებას“, - ნათქვამია განცხადებაში.