ჯანმრთელობის დაცვისა და სოციალურ საკითხთა კომიტეტის თავმჯდომარის დიმიტრი ხუნდაძის განცხადებით, საქართველოში სიტყვისა და გამოხატვის თავისუფლება დაცულია, მაგრამ „თბილისი პრაიდის“ დროს ქვეყნის უსაფრთხოება და საზოგადოების სტაბილურობა დაცული უნდა იყოს. როგორც მან ჟურნალისტებს განუცხადა, სახელმწიფო ყველაფერს გააკეთებს იმისთვის, რომ მცირე ძალადობაც კი არ მოხდეს.
„ვფიქრობ, ქვეყნის უსაფრთხოებაზე ყველამ უნდა იფიქროს, რა თქმა უნდა, უპირველესი პასუხისმგებლობა სახელმწიფოს აკისრია, ამიტომ, ყველაფერს გააკეთებს იმისთვის, რომ თუნდაც მცირე ძალადობას ადგილი არ ჰქონდეს, მაგრამ საკითხი, რომელიც რისკებს შეიცავს, ვფიქრობ, რომ ყველამ, მათ შორის მისმა ორგანიზატორებმაც უნდა გაითვალისწინონ. ჩვენთან სიტყვისა და გამოხატვის თავისუფლება დაცულია, მაგრამ ასევე მნიშვნელოვანია ამ პროცესის დროს ქვეყნის უსაფრთხება და საზოგადოების სტაბილურობა დაცული იყოს“,-განაცხადა ხუნდაძემ.
შეგახსენებთ, თბილისში, 5 ივნისს, "თბილისი პრაიდის" ორგანიზებით, "ღირსების მარში - #სოლიდარობისთვის!" გაიმართება.