„ლელოს“ ერთ-ერთი წევრის, ვატო სურგულაძის განცხადებით, რუსეთში კორონავირუსის საწინააღმდეგო აცრის ჩატარების დამადასტურებელი ცნობები იყიდება.
აღნიშნულის შესახებ სურგულაძემ ტელეკომპანია „პალიტრანიუსის“ გადაცემაში „რეზიუმე“ განაცხადა.
როგორც სურგულაძემ აღნიშნა, რუსეთიდან შემოსული ტურისტები საქართველოსთვის სერიოზულ საფრთხეს წარმოადგენენ.
„წინა სეზონზე, ჩაკეტილ საზღვრებზე იმდენი რუსული მანქანა იყო შემოსული, ახლაც დიდი საფრთხეა რუსეთიდან. დადასტურებულია, რუსეთში ცნობები იყიდება. იყიდება ცნობა სადღაც, პეტერბურგში 5 თუ 7000 რუბლამდე ღირს ცნობა, რომ აცრილი ხარ ორჯერადად. ერთია PCR-ის გაკეთება, მაგრამ მესამე დღესაც უნდა გაიკეთოს PCR, გაკეთებადია, თუ შესაბამისი ნება იქნება და იქნებიან ადამიანები, რომლებიც ამას გააკონტროლებენ, სხვა შემთხვევაში, შეგვიძლია ის ტურისტები დავაჯარიმოთ და სხვა ღონისძიებებიც ჩავატაროთ. ხომ ნახეთ, დანიამ, გერმანიამ საერთოდ აკრძალა რუსეთიდან ტურისტების ჩასვლა. რუსეთი რეალური პრობლემაა“, - განაცხადა სურგულაძემ.