ახალი გამოცემის - „ოკუპირებული მემკვიდრეობა“ პრეზენტაცია გაიმართა

სიმონ ჯანაშიას სახელობის საქართველოს ეროვნული მუზეუმის ეზოში რელიგიის საკითხთა სახელმწიფო სააგენტოს მიერ მომზადებული გამოცემის - „ოკუპირებული მემკვიდრეობა“ პრეზენტაცია გაიმართა.

რელიგიის სააგენტოს ინფორმაციით, პრეზენტაციას რელიგიური ორგანიზაციების, საქართველოს ხელისუფლების, დიპლომატიური კორპუსის, აკადემიური წრეებისა და ფართო საზოგადოების წარმომადგენლები ესწრებოდნენ.

მათი განმარტებით, გამოცემაში დამოუკიდებელი საქართველოს ისტორიაში პირველად, სრულად არის ასახული საქართველოს ოკუპირებულ ტერიტორიებზე, აფხაზეთის ავტონომიურ რესპუბლიკასა და ცხინვალის რეგიონში, არსებული მართმადიდებლური და რელიგიური უმცირესობების ისტორიულ-კულტურული ძეგლები (საარქივო და ახალი ფოტო მასალა).

როგორც რელიგიის სააგენტოში აცხადებენ, სტუმრებს მიესალმა რელიგიის საკითხთა სახელმწიფო სააგენტოს თავმჯდომარე, ზაზა ვაშაყმაძე, რომელმაც აღნიშნა, რომ ახალმა გამოცემამ თავი მოუყარა ყველა იმ ფაქტს, რის თაობაზეც რელიგიის საკითხთა სახელმწიფო სააგენტო შექმნის დღიდანვე, ყველა ანგარიშსა თუ სხვა დოკუმენტში მიუთითებდა და მიუთითებს - კერძოდ, ისტორიული მემკვიდრეობისა თუ თანამედროვე რელიგიური ნაგებობების სავალალო მდგომარეობა ოკუპირებულ ტერიტორიებზე. მან მოიყვანა კონკრეტული ფაქტები, როცა ოკუპირებულ ტეერიტორიებზე არსებულ ჩვენს ძეგლებს ანგრევენ, არბევენ, ძარცვავენ, აზიანებენ, ცდილობენ ქართული კვალის წაშლას. რუსეთის საპატრიარქო სიტყვიერად აღიარებს საქართველოს მართლმადიდებელი ეკლესიის იურისდიქციას როგორც აფხაზეთში, ისე ცხინვალის რეგიონში, თუმცა, ამის მიუხედავად, გრძელდება რუსეთისა და რუსული ეკლესიის მხრიდან საეკლესიო (კანონიკური) საზღვრების დარღვევის ფაქტები.

„ალბომში „ოკუპირებული მემკვიდრეობა“ პირველად იხილავთ ერთად თავმოყრილ, საქართველოს ოკუპირებულ ტერიტორიებზე არსებულ საკულტო ნაგებობებს, აბსოლუტური უმრავლესობის ფოტო პირველად ქვეყნდება და უნიკალურ საარქივო მასალას წარმოადგენს. შავ-თეთრი ფოტომასალა მე-20 საუკუნის 50-60-იან წლებშია გადაღებული და პირველად ქვეყნდება, ფერადი ფოტოები კი - 2019 წელს. ახალი ფოტო-ფაქტები, საარქივო ფოტოებთან ერთად, შედარებისა და ობიექტური დასკვნების გამოტანის საშუალებას იძლევა“, - განაცხადა ზაზა ვაშაყმაძემ.

მოწვეულ სტუმრებს სიტყვით მიმართეს პარლამენტის თავმჯდომარის მოადგილემ გიორგი ვოლსკიმ, პრემიერ-მინისტრის სპეციალურმა წარმომადგენელმა რუსეთთან ურთიერთობის საკითხებში ზურაბ აბაშიძემ, აფხაზეთის ავტონომიური რესპუბლიკის მინისტრმა შერიგების საკითხებში დავით ფაცაციამ.

პრეზენტაციის დასასრულს, სტუმრებს წიგნი საჩუქრად გადაეცათ.

თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
ქართული პრესის მიმოხილვა 16.09.2021
იოსებ ბარათაშვილი - თუ უმოკლეს ვადებში არ გამოქვეყნდა რა აუცილებლობით კეთდებოდა ფარული ჩანაწერები, ხელისუფლებას მოუწევს პასუხისმგებლობის აღება ძალზე მძიმე ბრალდებაზე
ნიუ ვიჟენ უნივერსიტეტი საზოგადოებას კინემატოგრაფიაში ამერიკულ სამაგისტრო პროგრამას სთავაზობს
კრიპტალი მომხმარებლებს 1 მილიონ შიბა ინუს (ელექტრონული ფული) ჩუქნის
BDO Digital-ი SWIFT-ის ოფიციალური პარტნიორი გახდა
BDO Digital-ი კომპანიებს აქტივების მართვის თანამედროვე გადაწყვეტას სთავაზობს