გიორგი ვაშაძე - გილოცავთ, მთავარი გამყალბებელი აღარ არის ცესკო-ს თავმჯდომარე, მაგრამ ეს არ ნიშნავს, რომ გაყალბება დასრულდა, რეფორმები გასაკეთებელია, ახალი თავმჯდომარე ასარჩევია

გილოცავთ, მთავარი გამყალბებელი აღარ არის ცესკო-ს თავმჯდომარე, - ამის შესახებ „სტრატეგია აღმაშენებლის" ლიდერმა გიორგი ვაშაძემ ჟურნალისტებთან განაცხადა.

მისი თქმით, „თამარ ჟვანიას 9- წლიანი გაყალბების ეპოქა წარსულს ჩაბარდა".

„ძალიან მაკვირვებს ზოგიერთი პოლიტიკოსის განცხადება, რომლებიც აქამდე ამბობდნენ, რატომ არ წერია მისი გათავისუფლების შესახებ მიშელის დოკუმენტშიო და ახლა საუბარი შეატრიალეს. ეს არათანამიმდევრულობა მაკვირვებს. თუმცა, ეს არ ნიშნავს, რომ გაყალბება დასრულდა, რეფორმები გასაკეთებელია, ახალი თავმჯდომარე ასარჩევია“, - განაცხადა ვაშაძემ.

კითხვაზე, რამდენად არის იმის საფრთხე, რომ კონსენსუსი ვერ შედგეს და ახალი თავმჯდომარე, რომელიც თვითმმართველობის არჩევნებს ჩაატარებს, მხოლოდ უმრავლესობის ხმებით აირჩეს, ვაშაძე აცხადებს, რომ თვითმმართველობის არჩევნების გაუმჯობესებისთვის ბევრი მექანიზმი არსებობს.

„კი, თვითმმართველობის არჩევნები არის რეფერენდუმი, მაგრამ ამ რეფერენდუმის დროს ოპოზიციას ჰყავს ცესკო- ს 8 წევრი ჯამური 17 - დან, რაც უპრეცედენტოა. პლუს, ვნერგავთ ტექნოლოგიებს, დავების საბჭო იქნება და ბევრი მექანიზმია იმისთვის, რომ გავაუმჯობესოთ არჩევნები“, - განაცხადა ვაშაძემ.

ვლადიმერ ფესენკო - უკრაინის გარეშე უკრაინის მომავალზე შეთანხმების ნებისმიერი მცდელობები დამარცხებისთვისაა განწირული
დავით თვალაბეიშვილი - ჩვენ მხარს ვუჭერთ ევროკავშირის ენერგეტიკული გაერთიანების მედიაციის გაგრძელებას და მოვუწოდებთ მასში ჩართულ ყველა მონაწილეს, გამოვიყენოთ ეს შესაძლებლობა
ქართული პრესის მიმოხილვა 23.07.2021
თორნიკე შარაშენიძე - ხელისუფლების სერიოზული შეცდომა იყო ვაშინგტონისთვის არასწორი ინფორმაციის მიწოდებაში აშშ-ს ელჩის დადანაშაულება, შესაძლოა, ეს ამბავი მათ მომავალში ცუდადაც კი დაუბრუნდეთ
პირველად საქართველოში - დავით ტატიშვილის სამედიცინო ცენტრში უნიკალური ოპერაცია ჩატარდა
მინერალური წყალი „ბორჯომი“ ახალ კამპანიას იწყებს
„სინერჯი“ თევზის კომპანია „უმალის“ პარტნიორი გახდა
დავით ტატიშვილის სამედიცინო ცენტრმა ამჯერად ახალი ამბულატორიული ცენტრი აჭარის რეგიონში, ბათუმში გახსნა