საქართველოს ტექნიკურმა უნივერსიტეტმა „უნივერსიადა 2021“-ის გამარჯვებულის ტიტული მოიპოვა

საქართველოს ტექნიკურმა უნივერსიტეტეტმა „უნივერსიადა 2021“-ის გამარჯვებული უნივერსიტეტის ტიტული, დამსახურებულად მოიპოვა,- ინფორმაციას სტუ-ის საზოგადოებასთან ურთიერთობის დეპარტამენტი ავრცელებს.

მათი ცნობით, სტუ-ის ვაჟთა და გოგონათა სპორტულმა გუნდებმა დაძაბულ ტურნირებსა და ორთაბრძოლებში ღირსეულად იასპარეზეს და საერთო ჯამში, 27 მედალი: 15 ოქრო, 7 ვერცხლი და 5 ბრინჯაო მოიპოვეს. 15 ოქროს მედალს, მათ შორის 8 - საკონკურსოს, საქართველოს ტექნიკური უნივერსიტეტის სტუდენტთა გუნდები სპორტის შემდეგ სახეობებში დაეუფლნენ: კალათბურთი; კალათბურთი 3X3; 7-კაცთა რაგბი; ჯომარდობა; ქვიშის ფრენბურთი (ვაჟთა გუნდი); ფრენბურთი; სამბო - გუნდურსა და 4 სხვადასხვა წონით კატეგორიაში; ქართული ჭიდაობა - გუნდურსა და 3 სხვადასხვა წონით კატეგორიაში.

„7 ვერცხლი, მათ შორის 4 - საკონკურსო, საქართველოს ტექნიკური უნივერსიტეტის სტუდენტურმა გუნდებმა შემდეგ სახეობებში დაისაკუთრეს: ქვიშის ფრენბურთი (გოგონათა გუნდი); ფრენბურთი (გოგონათა გუნდი), ჭადრაკი (ვაჟთა გუნდი); ძიუდო, სამბო და ქართული ჭიდაობა - 4 სხვადასხვა წონით კატეგორიაში.

რაც შეეხება ბრინჯაოს მედლებს, საქართველოს ტექნიკური უნივერსიტეტის სტუდენტებმა 5 ბრინჯაო, მათ შორის 2 - საკონკურსო, ისეთ სახეობებში მოიპოვეს, როგორიცაა: მაგიდის ჩოგბურთი - გუნდური (ვაჟები); მაგიდის ჩოგბურთი - გუნდური (გოგონები); სამბო და ქართული ჭიდაობა - 3 სხვადასხვა წონით კატეგორიაში; სამბო - 98 კგ წონით კატეგორიაში.

საქართველოს ტექნიკური უნივერსიტეტი, როგორც წლევანდელი უნივერსიადის გამარჯვებული უმაღლესი სასწავლებელი, დღეს საღამოს, „უნივერსიადა 2021“-ის ოფიციალური დაჯილდოების ცერემონიას უმასპინძლებს. ღონისძიება საქართველოს ტექნიკური უნივერსიტეტისა და საქართველოს საუნივერსიტეტო სპორტის ფედერაციის ორგანიზებით ტარდება.

ცნობისათვის, საქართველოს კულტურის, სპორტისა და ახალგაზრდულ საქმეთა სამინისტროსა და თბილისის მერიის მხარდაჭერით, საქართველოს საუნივერსიტეტო სპორტის ფედერაციის ორგანიზებით, 25 მაისიდან 29 ივნისის ჩათვლით, საქართველოში აკრედიტირებულ უმაღლეს სასწავლებლებს შორის „უნივერსიადა 2021“ სპორტის 20-ზე მეტ სახეობაში ჩატარდა“,- ნათქვამია ინფორმაციაში.

გაამართლა თუ არა მართვის მოწმობის ასაღები გამოცდის რეალურ მოძრაობაში გადატანამ და როგორია ჩაბარება-ჩაჭრის მაჩვენებელი? - ინტერვიუ შსს-ს მომსახურების სააგენტოს დირექტორის მოადგილესთან
კორნელი კაკაჩია - ამერიკელი ანალიტიკოსების აზრით, „საქართველო არის ქვეყანა, რომელმაც დაკარგა სტრატეგიული კომპასი“ და „ახლა ძრავაგაჩერებულ მანქანას ჰგავს, რომელიც ინერციით მოძრაობს“
ქართული პრესის მიმოხილვა 03.10.2022
ტერაბანკისა და სააგენტოს „აწარმოე საქართველოში“ მხარდაჭერით, „ავეჯის აკადემიის“ საამქრო ახალი დანადგარებით აღიჭურვა
თბილისში „ელიტ ელექტრონიქსის“ ახალი კონცეფციის მაღაზია გაიხსნა
თბილისში „სმარტის“ 32-ე სუპერმარკეტი გაიხსნა
ბაზისბანკმა, შეღავათიანი აგრო კრედიტის ფარგლებში, ხილის გადამამუშავებელი ქარხანა დააფინანსა
ევექსი კლინიკებმა კამპანია - „გეკუთვნის“ დაიწყო
კახა ოქრიაშვილი - ჩვენი ეკონომიკა მინუსშია! დაბეჭდავენ ფულს, როგორც აქამდე და დაარიგებენ, ოღონდ ამ ფულით უფრო ნაკლებს ვიყიდით, ვიდრე დღეს ვყიდულობთ
წარმატება, რომელსაც BTU-მ 6 წლის განმავლობაში მიაღწია
ქართული ხალხური სიმღერის გამორჩეულ ოსტატსა და ლოტბარს, ტრისტან სიხარულიძეს სპეციალური ჯილდო - „მადლიერების ჩიტი“ გადაეცა