ვაჟა სირაძე - ყველას აქვს გამოხატვის უფლება - მოვუწოდებთ ყველას, დაემორჩილონ პოლიციის კანონიერ მოთხოვნას, ნებისმიერი ფაქტი, სამართალდამცველზე თავდასხმის ან შეურაცხყოფის, მკაცრად იქნება დასჯილი

ადგილზე, სადაც „თბილისი პრაიდის" კვირეული უნდა გაიმართოს და ცოტა ხნის წინ ხმაური იყო, საპატრულო პოლიციის უფროსი, ვაჟა სირაძე მივიდა.

ვაჟა სირაძე „თბილისი პრაიდის“ მონაწილეებსა და მათ მოწინააღმდეგეებს მოუწოდებს, არ გასცდნენ კანონის და გამოხატვის თავისუფლების ჩარჩოებს და პროტესტი მშვიდ ვითარებაში გამოხატონ.

ამასთან, როგორც სირაძემ აღნიშნა, სამართალდამცველების მიმართ თავდასხმის ან შეურაცხყოფის შემთხვევაში, ეს ქმედება მკაცრად დაისჯება.

„ადგილზე, ვახუშტის ხიდის მიმდებარე ტერიტორიაზე მობილიზებულია სამართალდამცველი ორგანოების წარმომადგენლები, რომლებიც იცავენ საზოგადოებრივ წესრიგსა და მართლწესრიგს. ჩვენ კიდევ ერთხელ მოვუწოდებთ ყველას, დაემორჩილონ პოლიციის კანონიერ მოთხოვნას, არ დაარღვიონ კანონი. ყველას, როგორც ერთ, ასევე მეორე მხარეს, აქვს სიტყვის და გამოხატვის უფლება. ასევე, ჩვენ კიდევ ერთხელ მოვუწოდებთ მათ, არ გასცდნენ კანონის და სიტყვის და გამოხატვის თავისუფლების ჩარჩოებს და პროტესტი გამოხატონ მშვიდ ვითარებაში.

ნებისმიერი ფაქტი, სამართალდამცველზე თავდასხმის ან შეურაცხყოფის მკაცრად იქნება დასჯილი. კიდევ ერთხელ მოვუწოდებ ყველას, იმოქმედონ კანონის შესაბამისად და თავიანთი უფლებები გამოხატონ კანონის ჩარჩოებში“,- განაცხადა სირაძემ.

შეგახსენებთ, რომ დღეს „თბილისი პრაიდის“ კვირეული დაიწყო, რომლის ფარგლებში პირველი ღონისძიება ცოტა ხანში უნდა გაიმართოს. ამის პარალელურად, ტერიტორიაზე ღონისძიებაა დაგეგმილი, „თბილისი პრაიდის“ მოწინააღმდეგეები აქციას მართავენ. ისინი ითხოვენ, რომ კვირეული არ ჩატარდეს.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს