დავით მათიკაშვილის განცხადებით, მოქალაქეებმა თავი უნდა შეიკავონ ისეთ მსვლელობაში ან აქციაში მონაწილეობისგან, რასაც შესაძლოა, პროვოკაცია მოჰყვეს

უმრავლესობის წევრის დავით მათიკაშვილის შეფასებით, ქვეყანაში სიტყვისა და გამოხატვის თავისუფლება დაცულია. როგორც მან „პრაიდის“ კვირეულთან დაკავშირებით ჟურნალისტებს განუცხადა, მოქალაქეებმა თავი უნდა შეიკავონ ისეთი მსვლელობაში ან აქციაში მონაწილეობისგან, რასაც შესაძლოა, პროვოკაცია მოჰყვეს.

„ერთი მხრივ, დემოკრატიულ სახელმწიფოში ცხადია, სიტყვისა და გამოხატვის თავისუფლება დაცულია და დაცული უნდა იყოს, მეორე მხრივ, მაშინ, როდესაც კონკრეტულ მსვლელობას, კონკრეტულ აქციას, შესაძლოა ჰქონდეს გარკვეუწლილად პროვოკაციული ხასიათი, ან ასევე პროვოკაციული ქმედება იყოს გამოყენებული, ასეთი მსვლელობისგან თავი უნდა შევიკავოთ. ეს ხდება მთელ მსოფლიოში და ასე ხდება ჩვენს ქვეყანაშიც.

ჩვენ ვსაუბრობთ მსვლელობებზე და არა კონკრეტული პირების მისვლაზე. ვსაუბრობთ ამ აქციის ორგანიზატორებზე და მსვლელობაზე, რომელმაც შესაძლოა გამოიწვიოს რაიმე სახის მნიშვნელოვანი დისონანსი საზოგადებრივ ცხოვრებაში. ასეთი ქმედებებისგან, შესაძლოა, ზოგადად, თავის შეკავება უკეთესი იყოს“,-განაცხადა მათიკაშვილმა.

ცნობისთვის, "თბილისი პრაიდის" კვირეული გაიხსნა, რომლის ფარგლებშიც პირველი ღონისძიება გაიმართა. ამის პარალელურად აქცია გამართეს „თბილისი პრაიდის“ მოწინააღმდეგეებმაც. ტერიტორიაზე დღის განმავლობაში ვითარება რამდენჯერმე დაიძაბა. აქციის მონაწილეები ისროდნენ ქვებს, ბოთლებს და კვერცხებს. სამართალდამცველებმა აქციაზე 20 პირი დააკავეს.

თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
ქართული პრესის მიმოხილვა 16.09.2021
იოსებ ბარათაშვილი - თუ უმოკლეს ვადებში არ გამოქვეყნდა რა აუცილებლობით კეთდებოდა ფარული ჩანაწერები, ხელისუფლებას მოუწევს პასუხისმგებლობის აღება ძალზე მძიმე ბრალდებაზე
ნიუ ვიჟენ უნივერსიტეტი საზოგადოებას კინემატოგრაფიაში ამერიკულ სამაგისტრო პროგრამას სთავაზობს
კრიპტალი მომხმარებლებს 1 მილიონ შიბა ინუს (ელექტრონული ფული) ჩუქნის
BDO Digital-ი SWIFT-ის ოფიციალური პარტნიორი გახდა
BDO Digital-ი კომპანიებს აქტივების მართვის თანამედროვე გადაწყვეტას სთავაზობს