ვახუშტი მენაბდე - სასამართლოში „კლანური“ მმართველობა არსებობს და საინტერესოა მოსამართლეობის კანდიდატების შეფასებები

არასამთავრობო ორგანიზაცია “ახალგაზრდა იურისტთა ასოციაციის“ წარმომადგენლის ვახუშტი მენაბდის შეფასებით, სასამართლოში „კლანური“ მმართველობა არსებობს და ძალიან საინტერესოა ამ საკითხზე უზენაესი სასამართლოს მოსამართლეების კანდიდატების შეფასებები.

როგორც მან ჟურნალისტებს განუცხადა, „საქართველოს ახალგაზრდა იურისტთა ასოციაცია“ პროცესს აკვირდება და ინდივიდუალურად იფიქრებს განხილვებში მონაწილეობაზე.

„მოწვევას კომიტეტში მუშაობაში ჩართვაზე თავად პარლამენტი აგზავნის, ამჟამად ჩვენ კოალიციაზე გვაქვს მოწვევა მოსული. კოალიცია ამ ეტაპზე არ ჩაერთვება, ანუ წევრმა ორგანიზაციებმა მივიღეთ გადაწყვეტილება, რომ ინდივიდუალურად ვიფიქრებთ მონაწილეობაზე ასეთი მიწვევის შემთხვევაში. კოალიცია ერთობლივად ამას არ გააკეთებს. ჩვენ, „საქართველოს ახალგაზრდა იურისტთა ასოციაცია“ პროცესს ვაკვირდებით, მონიტორინგს ვახორციელებთ და მიწვევის შემთხვევაში, მონაწილეობას მივიღებთ.

ჩვენი მთავარი სათქმელი არის ის, რომ სასამართლოში არსებობს „კლანური“ მმართველობა და ამდენად, ძალიან საინტერესოა კანდიდატების შეფასებები. ასევე ჩვენ გვჭირდება ფორმულა, რომლის მეშვეობითაც საზოგადოებას ვაჩვენებთ საკუთარ დამოუკიდებულებას ამ პროცესის მიმართ და ვფიქრობთ, ეს პროცესი იძლევა ამის შესაძლებლობას. ამდენად, მას გამოვიყენებთ“,-განაცხადა მენაბდემ.

შეგახსენებთ, რომ იუსტიციის უმაღლესმა საბჭომ საქართველოს პარლამენტს უზენაესი სასამართლოს მოსამართლეობის 9 - კაციანი სია წარუდგინა. წარდგენილი კანდიდატები არიან: გიორგი გოგიაშვილი, გოჩა აბუსერიძე, ლევან თევზაძე, ქეთევან მესხიშვილი, გიორგი შავლიაშვილი, რევაზ ნადარაია, ბიძინა სტურუა, ეკა ზარნაძე და ლაშა ქოჩიაშვილი.

ვლადიმერ ფესენკო - უკრაინის გარეშე უკრაინის მომავალზე შეთანხმების ნებისმიერი მცდელობები დამარცხებისთვისაა განწირული
დავით თვალაბეიშვილი - ჩვენ მხარს ვუჭერთ ევროკავშირის ენერგეტიკული გაერთიანების მედიაციის გაგრძელებას და მოვუწოდებთ მასში ჩართულ ყველა მონაწილეს, გამოვიყენოთ ეს შესაძლებლობა
ქართული პრესის მიმოხილვა 23.07.2021
თორნიკე შარაშენიძე - ხელისუფლების სერიოზული შეცდომა იყო ვაშინგტონისთვის არასწორი ინფორმაციის მიწოდებაში აშშ-ს ელჩის დადანაშაულება, შესაძლოა, ეს ამბავი მათ მომავალში ცუდადაც კი დაუბრუნდეთ
პირველად საქართველოში - დავით ტატიშვილის სამედიცინო ცენტრში უნიკალური ოპერაცია ჩატარდა
მინერალური წყალი „ბორჯომი“ ახალ კამპანიას იწყებს
„სინერჯი“ თევზის კომპანია „უმალის“ პარტნიორი გახდა
დავით ტატიშვილის სამედიცინო ცენტრმა ამჯერად ახალი ამბულატორიული ცენტრი აჭარის რეგიონში, ბათუმში გახსნა