„ჯეოქეისის" ვებინარების სერიის ფარგლებში, ონლაინ დისკუსია „საქართველო და თურქეთი: რეგიონული და ორმხრივი კონტექსტი" გაიმართა

ანალიტიკური ორგანიზაცია „ჯეოქეისის" ვებინარების სერიის ფარგლებში, ონლაინ დისკუსია „საქართველო და თურქეთი: რეგიონული და ორმხრივი კონტექსტი" გაიმართა, რომელსაც მოდერატორობას „ჯეოქეისის" თავმჯდომარე, ვიქტორ ყიფიანი უწევდა. ამის შესახებ ინფორმაციას „ჯეოქეისი“ ავრცელებს.

ვებინარზე თანამედროვე თურქეთის როლი და მნიშვნელობა, როგორც რეგიონში, ისე მსოფლიოში და ქართულ-თურქული ურთიერთობები განიხილეს.

„ჯეოქეისის“ ინფორმაციით, დისკუსიის საპატიო სტუმარმა, საქართველოს საგანგებო და სრულუფლებიანმა ელჩმა თურქეთის რესპუბლიკაში გიორგი ჯანჯღავამ საქართველო-თურქეთის პარტნიორულ ურთიერთობებზე და სამომავლო პერსპექტივებზე ისაუბრა და აღნიშნა, რომ თურქეთი საქართველოს ტერიტორიული მთლიანობის მხარდამჭერი და ნომერ პირველი სავაჭრო პარტნიორია.

„ეს პარტნიორობა მუდამ ვითარდება, 2019 წელს, დაფიქსირდა სამაგალითო ვაჭრობის მაჩვენებელი, რომელმაც მილიარდ შვიდასი მილიონი შეადგინა. ჩვენი ამოცანაა ექსპორტის წასახალისება, ქართული პროდუქციის შემოტანა თურქეთში, რასაც ხელს უწყობს ორმხრივი ურთიერთობის ჩარჩოებში გამართული ოფიციალური კომისიები. ასევე უმნიშვნელოვანესია ორ ქვეყანას შორის არსებული თანამშრომლობა ენერგეტიკისა და სოფლის მეურნეობის მიმართულებით. რეგიონს სჭირდება სტაბილურობა, ეს სჭირდება ჩვენს ქვეყანასაც და დარწმუნებული ვარ, პოსტპანდემიური გარღვევა ყველას საკეთილდღეოდ იქნება“, - განაცხადა გიორგი ჯანჯღავამ.

„ჯეოქეისის“ თავმჯდომარემ, ვიქტორ ყიფიანმა ვებინარის მიმდინარეობისას ყურადღება თურქეთის საგარეო პოლიტიკის ძირითად ასპექტებზე გაამახვილა. მანვე აღნიშნა, რომ თურქეთი გასცდა რეგიონს და მის მიღმაც აქტიურად ავითარებს საკუთარ ინტერესებს, რაც გლობალურ პოლიტიკაშიც საგრძნობი გახდა.

„თურქეთი არის ჩვენი ქვეყნის ეკონომიკური განვითარებისა და უსაფრთხოებისთვის ერთ-ერთი მნიშვნელოვანი გასაღები, რასაც ხაზი გაესვა პრემიერის ვიზიტის დროს. თურქული პოლიტიკის ხაზი - „მშვიდობა შინ და მშვიდობა მეზობლებში“, უკანასკნელ ათ წელიწადთან შედარებით სახეცვლილია და თურქულ საგარეო პოლიტიკაში ძალის ფაქტორი, სამხედრო კომპონენტი მეტად გამოკვეთილია. აქვე საინტერესოა, რამდენად უზრუნველყოფილი იქნება ეს ეკონომიკური ფაქტორით. ძალაუფლების ცენტრი ამჟამად პრეზიდენტის ოფისისკენ არის გადანაცვლებული; თურქეთი ცდილობს, გახდეს რეალურად დამოუკიდებელი მოთამაშე საგარეო ასპარეზზე, რაც მისგან დღემდე არნახულ ძალისხმევას და ფაქიზ ბალანსირებას მოითხოვს რუსეთისა და დასავლეთის ფაქტორების გათვალისწინებით,“-განაცხადა ვიქტორ ყიფიანმა.

იხილეთ ვებინარი https://bit.ly/3qFg4Js

გაამართლა თუ არა მართვის მოწმობის ასაღები გამოცდის რეალურ მოძრაობაში გადატანამ და როგორია ჩაბარება-ჩაჭრის მაჩვენებელი? - ინტერვიუ შსს-ს მომსახურების სააგენტოს დირექტორის მოადგილესთან
ქართული პრესის მიმოხილვა 03.10.2022
ირაკლი მელაშვილი - დასავლური კურსი დეკლარირებული გვაქვს, მაგრამ ხელისუფლებას მკაფიოდ აქვს გასაცემი პასუხი კითხვაზე - რატომ ამბობს საქართველო უარს დასავლეთის სამხედრო დახმარებაზე
ტერაბანკისა და სააგენტოს „აწარმოე საქართველოში“ მხარდაჭერით, „ავეჯის აკადემიის“ საამქრო ახალი დანადგარებით აღიჭურვა
თბილისში „ელიტ ელექტრონიქსის“ ახალი კონცეფციის მაღაზია გაიხსნა
თბილისში „სმარტის“ 32-ე სუპერმარკეტი გაიხსნა
ბაზისბანკმა, შეღავათიანი აგრო კრედიტის ფარგლებში, ხილის გადამამუშავებელი ქარხანა დააფინანსა
ევექსი კლინიკებმა კამპანია - „გეკუთვნის“ დაიწყო
კახა ოქრიაშვილი - ჩვენი ეკონომიკა მინუსშია! დაბეჭდავენ ფულს, როგორც აქამდე და დაარიგებენ, ოღონდ ამ ფულით უფრო ნაკლებს ვიყიდით, ვიდრე დღეს ვყიდულობთ
წარმატება, რომელსაც BTU-მ 6 წლის განმავლობაში მიაღწია
ქართული ხალხური სიმღერის გამორჩეულ ოსტატსა და ლოტბარს, ტრისტან სიხარულიძეს სპეციალური ჯილდო - „მადლიერების ჩიტი“ გადაეცა