საქართველოს ჯანდაცვის მინისტრის, ეკატერინე ტიკარაძის განცხადებით, კორონავირუსით ინფიცირებული ადამიანების მხოლოდ 30%-ია ჰოსპიტალიზირებული და ეს პროცესი მუდმივი მონიტორინგის ქვეშ ხორციელდება. ამის შესახებ ტიკარძემ ჟურნალისტებს დასმული კითხვის საპასუხოდ განუცხადა.
როგორც ჯანაცვის უწყების ხელმძღვანელმა აღნიშნა, ექიმები ვალდებულნი არიან ეს ჰოსპიტალიზაციის კრიტერიუმები გაითვალისწინონ, წინააღმდეგ შემთხვევაში, მინისტრის თქმით, ანაზღაურების კომპონენტში გათვალისწინებული იქნება, თუ რამდენად მიზნობრივი იყო პაციერტების ჰოსპიტალიზაცია და ანაზღაურების კომპონენტში დამატებითი რეაგირება მოხდება.
„ჩვენ მუდმივ მონიტორინგს ვახორციელებთ იმასთან დაკავშირებით, თუ რამდენად მიზნობრივია ჰოსპიტალიზაცია. აღსანიშნავია ის, რომ დღესდღეობით ეს არის კონტროლის ქვეშ და არ ხდება 30%-ზე მეტი მოქალაქის ჰოსპიტალიზაცია. რაც რეალურად ნორმის ფარგლებში მაინც ჯდება. არის ჰოსპიტალიზაციის კრიტერიუმები, რომელიც პანდემიის დაწყებისთანავე არის შემუშავებული. ამ კრიტერიუმებმა რამდენიმე ეტაპზე განიცადეს სახეცვლილება, რათა ის ყოფილიყო მეტად მიზნობრივი. ჩვენი ექიმები ვალდებულნი არიან ეს კრიტერიუმები გაითვალისწინონ, წინააღმდეგ შემთხვევაში, ანაზღაურების კომპონენტში გათავლისწინებული იქნება, თუ რამდენად მიზნობრივი იყო მათი ჰოსპიტალიზაცია და ანაზღაურების კომპონენტში მოხდება დამატებითი რეაგირება. ასევე, კლინიკური ჯგუფი, რომელიც კლინიკებშში მონიტორინგით არის დაკავებული აგრძელებს მონიტორინგს და შესაბამისად, ეს ინფორმაცია არის მუდმივად განახლებადი. ჩვენ გვაქვს კლინიკების კლინიკურ ხელმძღვანელეთან მუდმივი კოორდინაცია, რათა ეფექტური მართვა მოხდეს“, - განაცხადა ტიკარაძემ.