ანა ნაცვლიშვილი - ქირურგიული ჩარევის და მოსამართლეთა უდიდესი ნაწილის სახლში გაშვების გარეშე, არანაირი ნომინალური რეფორმა არ იქნება დამაკმაყოფილებელი

საბოლოოდ, საქართველოს მაგალითზე მივაღწევთ იმას, რომ ქირურგიული ჩარევის და მოსამართლეთა უდიდესი ნაწილის სახლში გაშვების გარეშე, არანაირი ნომინალური რეფორმა არ იქნება დამაკმაყოფილებელი. როგორც კი ხელისუფლება შეიცვლება, ჩვენ ამას გავაკეთებთ, - ამის შესახებ „ლელო საქართველოსთვის“ ერთ-ერთმა ლიდერმა ანა ნაცვლიშვილმა უზენაეს სასამართლოში მოსამართლეთა შერჩევის პროცესზე საუბრისას განაცხადა.

როგორც ნაცვლიშვილმა „პალიტრანიუსის“ გადაცემა „დღის ნიუსრუმში“ განაცხადა, ის, რომ ხელისუფლება მოსამართლეების შერჩევას არ აჩერებს, წარმოადგენს შარლ მიშელის შეთანხმების ცალსახა დარღვევას, ასევე, იმის ღია დეკლარირებას ხელისუფლების მხრიდან, რომ ის იმყოფება ბოიკოტის რეჟიმში სასამართლო რეფორმის საკითხებთან დაკავშირებით.

"ბოიკოტს უცხადებენ პროცესს, რომელმაც ინკლუზიური სასამართლო სისტემა უნდა მოიტანოს. იუსტიციის უმაღლესი საბჭოს არამოსამართლე წევრების შერჩევა გადაავადეს, სასამართლო სისტემის რეფორმა გადაავადეს და უზენაესი სასამართლოს მოსამართლეების არჩევა დააჩქარეს. ჩვენ „ლელოს“ ინიციატივას ბოლომდე მივიყვანთ, რომ კონკრეტული მოსამართლეების და პოლიტიკოსების მიმართ იყოს გამოყენებული სანქციები. ამ თავხედური ნაბიჯის გადადგმის გამო „ქართული ოცნება“ ძალიან მძიმე ფასს გადაიხდის. რაც უფრო მეტ არაადეკვატურობას დაამტკიცებს სასამართლო კორპუსი, უფრო მეტ მტკიცებულებას ქმნიან, რომ კომპტენეციის ნაწილში აქვთ სერიოზული პრობლემები. საბოლოოდ, საქართველოს მაგალითზე მივაღწევთ იმას, რომ ქირურგიული ჩარევის გარეშე და მოსამართლეთა უდიდესი ნაწილის სახლში გაშვების გარეშე, არანაირი ნომინალური რეფორმები არ იქნება დამაკმაყოფილებელი. როგორც კი ხელისუფლება შეიცვლება ჩვენ ამას გავაკეთებთ, სასამართლოს გარეშე არცერთ ქვეყანას და საზოგადოებას არ აქვს მომავალი და ამ მომავალს ვერ წავართმევთ საკუთარ ქვეყანას“, - აღნიშნა ანა ნაცვლიშვილმა.

მან ასევე უპასუხა წამყვანის შეკითხვას, ცესკო-ს ახალი თავმჯდომარის შერჩევასთან დაკავშირებით. ნაცვლიშვილის განცხადებით, რიგი საკითხები, რომელიც მიშელის დოკუმენტში კარგად დარეგულირდა კანონში ბოლომდე სწორად არ გაიწერა, რაც პრობლემებს აჩენს.

მისივე თქმით, თავმჯდომარის შერჩევა ერთობლივი თანხმობით უნდა მოხდეს და ამ საკითხის ირგვლივ მეორე და მესამე ციკლის გამართვის შემთხვევაში ახალ თავმჯდომარეს დაბალი პოლიტიკური ლეგიტიმაცია ექნება.

"ცესკო-ს თავმჯდომარის შერჩევის მექანიზმი, რომელსაც დღეს კანონი ითვალისწინებს, უკეთესია ვიდრე ოდესმე, ამ ნაწილში სწორედ ჩვენი რეკომენდაციების დიდი ნაწილი იქნა გათვალისწინებული. მაგრამ, პრინციპული საკითხი რის გამოც ჩვენ ამ კანონპროექტს მხარი არ დავუჭირეთ, იყო, რომ შერჩევის პროცესში არ ჩაიდო ყველა ის დამზღვევი მექანიზმი, რომელიც შექმნიდა სრულ გარანტიას, რომ წარმოუდგენელია ვინმემ ეს თავისი პოლიტიკური ინტერესების გამო გამოიყენოს. რიგი საკითხები, რომელიც მიშელის დოკუმენტში კარგად დარეგულირდა კანონში ბოლომდე სწორად არ გაიწერა, რაც აჩენს პრობლემებს. მათ შორის არის მოსამართლეების დანიშვნა და დავების განმხილველი საბჭო, რაც ძალიან კარგი სიახლე უნდა ყოფილიყო მიშელის დოკუმენტიდან.

ჩვენ უნდა ვცადოთ და გავაკეთოთ ყველაფერი არსებულ მოდელში, რომ მაქსიმალურად ფართო სანდოობით აღჭურვილი კანდიდატი მოვძებნოთ, თუ ასე არ მოხდება ვერავინ აგვიკრძალავს იმის მხილებას, რომ ეს პროცესი სწორად არ წარიმართა. მე პირადად მაქვს ნათქვამი „ქართული ოცნების“ ლიდერებისთვის, რომ ჩვენ არ გვინდა გამოვიყენოთ მეორე და მესამე ციკლი თავმჯდომარეების შერჩევის. ეს უკვე ნიშნავს, რომ მას პოლიტიკურად დაბალი ლეგიტიმაცია ექნება. თამარ ჟვანიას არაჩვეულებრივი ნდობა ჰქონდა, მაგრამ მან ეს დიდი ნდობა და მანდატი გაანიავა. იმედი მაქვს, რომ ადამიანები, რომლებიც შეძლებენ საჭირო ეტაპების გავლას ამ მტკივნეულ გამოცდილებას გაიზიარებენ“, - აღნიშნა ანა ნაცვლიშვილმა.

თენგიზ ცერცვაძე - შეგვიძლია დაგიდასტუროთ, რომ დღეს საქართველოში მოსახლეობის COVID უსაფრთხოება საიმედოდ არის დაცული და პანდემია არ ახდენს ნეგატიურ გავლენას ცხოვრების ხარისხზე
კორნელი კაკაჩია - ამერიკელი ანალიტიკოსების აზრით, „საქართველო არის ქვეყანა, რომელმაც დაკარგა სტრატეგიული კომპასი“ და „ახლა ძრავაგაჩერებულ მანქანას ჰგავს, რომელიც ინერციით მოძრაობს“
არჩილ მორჩილაძე - ჯანმრთელობის დაზღვევის სფეროში სახელმწიფო შესყიდვების უმეტესობა ხელს უწყობს ქვეყანაში პოლიფარმაციას და გაუმართლებლად ზრდის დაზღვევის ღირებულებას
ქართული პრესის მიმოხილვა 06.10.2022
შეზღუდული პერიოდით “სკიო გუდაური” ბინებს არასეზონურ ფასად გაყიდის
საქართველოს ბიზნეს ასოციაციის წევრი კომპანიების წარმომადგენლები საქართველოს პრემიერ-მინისტრს შეხვდნენ
„საქართველოს ბანკის“ მხარდაჭერით, თბილისში ახალი მრავალფუნქციური სივრცე „კომბინატი - Combinaty“ იხსნება
ტერაბანკისა და სააგენტოს „აწარმოე საქართველოში“ მხარდაჭერით, „ავეჯის აკადემიის“ საამქრო ახალი დანადგარებით აღიჭურვა
თბილისში „ელიტ ელექტრონიქსის“ ახალი კონცეფციის მაღაზია გაიხსნა
თბილისში „სმარტის“ 32-ე სუპერმარკეტი გაიხსნა
ბაზისბანკმა, შეღავათიანი აგრო კრედიტის ფარგლებში, ხილის გადამამუშავებელი ქარხანა დააფინანსა
ევექსი კლინიკებმა კამპანია - „გეკუთვნის“ დაიწყო