ვარლამ გოლეთიანი - როცა „პრაიდის“ ორგანიზატორები და გარკვეული პოლიტიკური ჯგუფები აინიცირებენ ღონისძიებას, რომელიც გამოიწვევს იმას, რასაც იწვევს, ეს არის უპასუხისმგებლობა

როცა „პრაიდის“ ორგანიზატორები და გარკვეული პოლიტიკური ჯგუფები აინიცირებენ ისეთ ღონისძიებას, რომელიც ყველამ ვიცით, რომ გამოიწვევს იმას, რასაც იწვევს, ეს არის, პირველ რიგში, უპასუხისმგებლობა, - ამის შესახებ „რიონის ხეობის მცველმა“ ვარლამ გოლეთიანმა განაცხადა.

მისი განმარტებით, „რიონის ხეობის მცველები“ ქაშუეთთან საპატრიარქოს მოწოდების თანახმად, როგორც მრევლი, ისე მივიდნენ და ისინი ყველა სახის ძალადობას ემიჯნებიან. ამასთანავე, გოლეთიანმა განაცხადა, რომ ისინი პრაიდის იდეას ეწინააღმდეგებიან.

„ვიცით, რომ პარაკლისი უნდა ჩატარდეს და დავესწროთ პარაკლისს და მშვიდობიანი ფორმით გავაპროტესტოთ პრაიდის იდეა. მიუღებელია ნებისმიერი ცხოვრების წესის პროპაგანდა, ამას მშვიდობიანი ფორმით ვაპროტესტებთ.

ნებისმიერი ტიპის ძალადობა, თუნდაც ლგბტ ადამიანების მიმართ, თუ მედიის მიმართ და საერთოდ ძალადობის ფენომენი არის, ბუნებრივია, მიუღებელი. ნებისმიერი ნორმალური ადამიანისთვის და ჩვენც შესაბამისად, ამ ყველაფერს ვემიჯნებით, რაც შეეხება ძალადობის ნაწილს. ჩვენ უბრალოდ პრაიდის იდეას, როგორც ფორმას და პროპაგანდას რაღაც გარკვეული ცხოვრების წესისა, ვეწინააღმდეგებით.

პასუხისმგებლობაზე როცა არის საუბარი, ყველას მოეთხოვება პასუხისმგებლობა, როცა პრაიდის ორგანიზატორები და გარკვეული პოლიტიკური ჯგუფები აინიცირებენ ისეთ ღონისძიებას, რომელიც ყველამ ვიცით, რომ გამოიწვევს იმას, რასაც იწვევს, ეს არის, პირველ რიგში, უპასუხისმგებლობა და ჩვენ ყველამ ვიცით, რომ აქ ადამიანები ყველა შემთხვევაში შეიკრიბებიან და ზოგი მშვიდობიანი და ზოგიც არამშვიდობიანი ფორმით გააპროტესტებს. ამიტომ, როცა შენ იწვევ ამ რაღაც შესაძლო ძალადობას, აინიცირებ, ამიტომ არის პრაიდის იდეა პირველ რიგში მიუღებელი, რომელიც ქმნის ამ დაძაბულობას“, - განაცხადა გოლეთიანმა.

ირაკლი მელაშვილი - დასავლური კურსი დეკლარირებული გვაქვს, მაგრამ ხელისუფლებას მკაფიოდ აქვს გასაცემი პასუხი კითხვაზე - რატომ ამბობს საქართველო უარს დასავლეთის სამხედრო დახმარებაზე
მამუკა გამყრელიძე - პუტინისთვის საბედისწერო აღმოჩნდა შანხაის  სამიტი, მან სამარყანდში დაინახა, რომ  მარტო დარჩა, ამიტომაც შეცვალა ომის მიზანი
ქართული პრესის მიმოხილვა 03.10.2022
ბორის სოკოლოვი - პუტინს ნებისმიერ ფასად უნდა ომში გამარჯვება, ამაზეა დამოკიდებული მისი პოლიტიკური მომავალი და ფიზიკურად გადარჩენაც, მაგრამ არ ვარ დარწმუნებული, რომ იგი მზადაა, გამოიყენოს თუნდაც ტაქტიკური ბირთვული იარაღი
კახა ოქრიაშვილი - ჩვენი ეკონომიკა მინუსშია! დაბეჭდავენ ფულს, როგორც აქამდე და დაარიგებენ, ოღონდ ამ ფულით უფრო ნაკლებს ვიყიდით, ვიდრე დღეს ვყიდულობთ
წარმატება, რომელსაც BTU-მ 6 წლის განმავლობაში მიაღწია
ქართული ხალხური სიმღერის გამორჩეულ ოსტატსა და ლოტბარს, ტრისტან სიხარულიძეს სპეციალური ჯილდო - „მადლიერების ჩიტი“ გადაეცა
ქართული ციფრული ბანკების გლობალური აღიარება
ვოლტი ზუგდიდშია