„ლელოს“ ლიდერმა ბადრი ჯაფარიძემ პარლამენტის ბიუროს სხდომაზე თანაპარტიელის, ლანა გალდავას მიმართ გუშინ, „პრაიდის“ მოწინააღმდეგეთა მხრიდან სიტყვიერ შეურაცხყოფაზე ისაუბრა და პარლამენტის თავმჯდომარეს ამ საკითხის გამოძიებაში პირადი ჩართულობა სთხოვა.
„ლანა გალდავა გუშინ პარლამენტში მოემართებოდა ფეხით რუსთაველიდან. მას აეკიდა ბრბო, რომელიც მთელი გზის განმავლობაში აყენებდა შეურაცხყოფას, ლანძღავდა და ამცირებდა“,- განაცხადა ჯაფარიძემ.
ბადრი ჯაფრიძეს კახა კუჭავამ უპასუხა და აღნიშნა, რომ ფაქტის გამოძიების პროცესით პირადად დაინტერესდება.
„პირველად გავიგე, მადლობა ცნობისთვის. ლანას ძალიან კარგად ვიცნობ, სტუდენტობის მეგობარია. ამიტომ აუცილებლად პირადად ჩავერთვები ამ საკითხში. პირადად დავინტერესდები“,- განაცხადა კუჭავამ.