ნათია თურნავა - გერმანიისა და საფრანგეთის ელჩებმა ენერგეტიკული რეფორმა დადებითად შეაფასეს

ეკონომიკისა და მდგრადი განვითარების მინისტრი ნათია თურნავა გერმანიისა და საფრანგეთის ელჩებს ჰუბერტ ქნირშსა და დიეგო კოლასს შეხვდა და მათთან საქართველოში ენერგეტიკული რეფორმის მიმდინარეობა განიხილა. შეხვედრაში მონაწილეობდა მინისტრის მოადგილე დავით თვალაბეიშვილი. ამის შესახებ ნათქვამია ინფორმაციაში, რომელსაც ეკონომიკის სამინისტრო ავრცელებს.

„ენერგეტიკული რეფორმა, რომელიც ბოლო 2 წელია ხორციელდება, ევროკავშირის მუდმივი ყურადღების ცენტრშია. ეს არის უმნიშვნელოვანესი რეფორმა ჩვენი ეკონომიკისთვის, ჩვენი მოსახლეობისთვის. ძალიან მნიშვნელოვანია, რომ ჩვენ ენერგეტიკული რეფორმის მაღალი ტემპის გამო ევროკავშირის მხრიდან დადებით შეფასებას ვიმსახურებთ“, - განაცხადა ნათია თურნავამ შეხვედრის დასრულების შემდეგ.

მინისტრის თქმით, შეხვედრაზე დადებითად შეფასდა რეფორმის ცალკეული ეტაპები, მათ შორის, ახალი კანონმდებლობა, ქსელური საქმიანობისა და მიწოდების სერვისის განცალკევება სხვადასხვა კომპანიებში, რაც მეტი გარანტიაა მომხმარებლისთვის, რომ შეუფერხებლად და სამართლიანი თამაშის წესების დაცვით მიიღებს ელექტროენერგიას და ბუნებრივ აირს.

მინისტრის განცხადებით, ამჟამად მიმდინარეობს ბაზრის ლიბერალიზაცია და დერეგულაცია.

„ეს იმას ნიშნავს, რომ მსხვილი და საშუალო ზომის კომპანიები გადიან თავისუფალ ბაზარზე, სადაც თავისუფალი ფასწარმოქმნით ენერგეტიკულ ბირჟაზე შეიძენენ ელექტროენერგიას, ხოლო მოსახლეობა და მცირე ბიზნესი კვლავაც რეგულირებადი სფერო რჩება და ეს იქნება ჩვენი ძირითადი ზრუნვის საგანი,“ - განაცხადა ნათია თურნავამ.

„ძალიან კმაყოფილები ვართ მიღწეული პროგრესითა და საქართველოს მთავრობასთან თანამშრომლობით. ჩვენ ვხედავთ, რომ რეფორმირების პროცესი წინ მიიწევს ყველა მიმართულებით, მათ შორის რეგულაციების, ლიბერალიზაციის, ბაზრის განვითარების კუთხით“, - განაცხადა გერმანიის ელჩმა საქართველოში ჰუბერტ ქნირშმა.

მისი თქმით, ევროკავშირის ქვეყნები მხარს უჭერენ საქართველოს ენერგეტიკული პოლიტიკის შემუშავებას.

საფრანგეთის ელჩის დიეგო კოლასის განცხადებით, შეხვედრაზე ხაზი გაესვა, თუ რამდენად მნიშვნელოვანია ამ პირობებში ევროკავშირის კომისიის მხარდაჭერა ენერგოსექტორში რეფორმების გასაგრძელებლად.

„ძალიან საინტერესო შეხვედრა მინისტრთან. ვისაუბრეთ ენერგო სექტორში რეფორმების განხორციელების შესახებ. საქართველო კოვიდის შემდგომ პერიოდში კიდევ უფრო დიდი ძალისხმევით მიემართება ევროკავშირისკენ და ევროკავშირის სისტემებთან ჰარმონიზაციისკენ. შეხვედრაზე ხაზი გაესვა, თუ რამდენად მნიშვნელოვანია ამ პირობებში ევროკავშირის კომისიის მხარდაჭერა ენერგოსექტორში რეფორმების გასაგრძელებლად და ჩვენ ვადასტურებთ ჩვენს მზადყოფნას, მაქსიმალურად დავეხმაროთ საქართველოს, რომელიც თავადაც ასე მონდომებულია და მცდელობას არ აკლებს რეფორმების გატარებას“, - განაცხადა საფრანგეთის ელჩმა საქართველოში დიეგო კოლასმა.

უკრაინაში შედგენილ სასანქციო სიაზე მომუშავე ჯგუფის წევრი სვეტლანა მუსიიაკა - სიაში დღეისთვის 19 ათასი ადამიანია, თუმცა ეს საწყისი ეტაპის სამუშაოა და სანქციებზე საბოლოო გადაწყვეტილება დამოკიდებული იქნება უსაფრთხოების საბჭოსა და შემდეგ უკვე პრეზიდენტზე
ქართული პრესის მიმოხილვა 30.09.2022
ვანო მაჭავარიანი -  თუ ხელისუფლებამ არ იაქტიურა, იყოს უკრაინა-მოლდოვა- საქართველოს სამეულის ნაწილი, ჩვენ აღმოვჩნდებით უკრაინა-მოლდოვას ევროპული და ატლანტიკური მომავლის მიღმა, რაც ქვეყნისთვის კატასტროფა იქნება
ვებ-გვერდ ss.ge-ზე ვიზიტორთა რაოდენობა 60 000-მდე გაიზარდა, მათ შორის 30% უცხო ქვეყნის მოქალაქეა
WhiteBit კრიპტოვალუტის ბირჟაზე ხელმისაწვდომი გახდა დოლარისა და ევროს გატანა Visa/Mastercard-ზე, ისევე როგორც უკრაინული გრივნის გატანა IBAN საბანკო ანგარიშის ნომერზე
„ჰიუნდაი ავტო საქართველომ“ 25 წლის იუბილე აღნიშნა
უძრავი ქონების პლატფორმას - Georgia Real Estate ახალი გენერალური დირექტორი ჰყავს
ბაზისბანკი, ბიზნესის დაკრედიტების ზრდის ტემპით, პირველ ადგილზეა
PSP “ჯანმრთელობის პროგნოზი“ - ახალ კამპანიას იწყებს