პრაიდის მოწინააღმდეგეების მიერ დაშავებულ „პალიტრანიუსის" ოპერატორს კლინიკიდან დღეს გაწერენ, „ტვ პირველის" და "პირველი არხის" ოპერატორების გაწერა კი სავარაუდოდ, ხვალ იგეგმება

“თბილისი პრაიდის" მოწინააღმდეგეების თავდასხმის შედეგად დაშავებულ „პალიტრანიუსის" ოპერატორს, რომა ტარუღიშვილს "ნიუ ჰოსპიტალის" კლინიკიდან დღეს გაწერენ.

როგორც „ნიუ ჰოსპიტალის" კლინიკურმა დირექტორმა გიორგი კორძახიამ ჟურნალისტებთან საუბრისას აღნიშნა, რომა ტარუღიშვილი რეკომენდაციების შესრულებას ბინაზე გააგრძელებს.

ამასთან, დირექტორის განმარტებით, "ტვ პირველის" ოპერატორის ლექსო ლაშქარავას და "პირველი არხის" ოპერატორის ილია თვალიაშვილის ჯანმრთელობის მდგომარეობა სტაბილურია და სავარაუდოდ ისინიც ხვალ ან ზეგ გაეწერებიან.

"ორ პაციენტს, რომლებსაც სავარაუდოდ, ხვალ ან ზეგ გავწერთ, აქვს თვალის დაზიანება, ერთ-ერთს თავის ტვინის შერყევაც აღენიშნება, ამიტომ ვაკვირდებით, არაფერი განსაკუთრებული ამ ეტაპზე არ ხდება. ჩვენი მოლოდინით, ორივე პაციენტს მხედველობა 100%-ით აღუდგება", - განაცხადა კორძახიამ.

შეგახსენებთ რომ, 5 ივლისს „თბილისი პრაიდის" მოწინააღმდეგეების აქცია გაიმართა, სადაც იმყოფებოდა სასულიერო პირების ნაწილი და მრევლი. აქციის მიმდინარეობისას არაერთი დაპირისპირება მოხდა. აქციის მონაწილეები ფიზიკურად უსწორდებოდნენ მედიის წარმომადგენლებს.

კახა გოგოლაშვილი - როცა სტაბილიზაციისკენ მიმართული ნებისმიერი კონსტრუქცია ინგრევა, იქ სამოქალაქო დაპირისპირების საფრთხეც არსებობს
ქართული პრესის მიმოხილვა 29.07.2021
ლევან ალაფიშვილი - ოპოზიციამ მიუტევებელი შეცდომა დაუშვა, როცა პლებისციტი თვითმმართველობის არჩევნებზე მიბმულ პროცენტში გაცვალა
საქართველოს ეროვნული უნივერსიტეტის და SEU DEVELOPMENT-ის ერთობლივი საჩუქარი SEU-ს სტუდენტს და ოლიმპიურ ჩემპიონს, ლაშა ბექაურს
ქართული ეროვნული მაუწყებლების მიერ ფასიანი ტრანზიტის მოთხოვნასთან დაკავშირებით საქართველოს საკაბელო ტელევიზიების კავშირი განცხადებას ავრცელებს
განახლებული ფორმატითა და მიზნებით - Setanta Sports-ი მაუწყებლობას 13 ქვეყანაში იწყებს
ჩაერთე სილქფესტის შეთავაზებებში და გაიაქტიურე დიდი მოცულობის ინტერნეტ და სასაუბრო პაკეტები
"ტანტა" და თერაპიის ცენტრი "გრადაცია" - Social Impact Award 2021-ის ფინალისტები ინკლუზიური მისიით