თბილისის საქალაქო სასამართლოში, ძიუდოისტ ბადრი გავაშელიშვილსა და გიგი უგულავას შორის სიტყვიერი დაპირისპირება მოხდა

თბილისის საქალაქო სასამართლოში ე.წ. აეროპორტის ინციდენტის საქმეში დაზარალებულად ცნობილ ძიუდოისტ ბადრი გავაშელიშვილსა და ბრალდებულ პოლიტიკოს გიგი უგულავას შორის სიტყვიერი დაპირისპირება მოხდა.

ბადრი გავაშელიშვილის გაღიზიანება უგულავას ადვოკატის დასმულმა კითხვამ გამოიწვია, რომელიც „უგულავას დარტყმის შედეგად“ მიღებულ ფიზიკურ და მორალურ ზიანს შეეხებოდა.

„შენ ადვოკატი ხარ თუ ჟურნალისტი, „მეიაზვები“ თუ რას შვები?!“ - მიმართა გავაშელიშვილმა ადვოკატს, რაზეც უგულავამ გავაშელიშვილს განუცხადა, რომ სასამართლოს თავისი ენა აქვს და კორექტულად უნდა ესაუბრა.

"ბატონო მოსამართლევ, ეს რა ტონში გვესაუბრება? სასამართლოს აქვს თავისი ენა და აქ ჩვენ ვსაუბრობთ თქვენობით, შენობით ქვიშის კარიერში ელაპარაკე ვისთანაც გაგდის, აქ სასამართლოა. ქვიშის კარიერში, რომელიც შენ გაჩუქეს, რაც ჩაიდინე იმისთვის. ზუსტად ვიცი, რომ ჩვეულებრივი „ზონდერი“ ხარ. ხომ ხარ დაზარალებული, ხომ გცემე, უთავმოყვარეო ხარ, ჰოდა „დავაი“, კუდამოძუებულმა „დაახვიე“ აქედან. უზრდელი ბრძანდები, მოგზავნილი ლაქია ხარ“, - მიმართა უგულავამ ბადრი გავაშელიშვილს.

თავის მხრივ, დაზარალებულმა უგულავას მიმართა, რომ მასთან ნორმალურად ესაუბრა და სცოდნოდა ვის ელაპარაკებოდა.

„შენ „დაახვიე“, ცოტა ნორმალურად მელაპარაკე, იცოდე ვის ელაპარაკები, ეტყობა ვიღაცაში გეშლები, „ახვარო“ შენ“, - განაცხადა ბადრი გავაშელიშვილმა.

ამ ინციდენტის შემდეგ მოსამართლემ სასამართლო სხდომა დასრულებულად გამოაცხადა.

პოლიტიკოსი გიგი უგულავა აცხადებს, რომ დღევანდელი პროცესის შემდეგ ამ საქმეში მონაწილეობა დაასრულა.

,,ამით მე დავასრულე ამ ეპიზოდის ბადრი-საბა გავაშელიშვილის ნაწილი. მალე მოვა დრო და ის მოყვება ვინ რა და როგორ დაავალა. ეს მერე. ახლა ჩემი მიზანი იყო საზოგადოების წინაშე გამომეთრია და მეჩვენებინა, რომ ამ „ორკების“ და 5 ივლისს ადამიანების დასაკბენად გამოშვებული აპოკალიპტური მხეცის არავის ეშინია. ისინი აი ასე გარბიან.

თქვენ კი ჩემო ბადრი-საბა, ჩემგან თქვენ თავისუფალი ხართ. მე თქვენ აღარ მაინტერესებთ. დანარჩენი ღმერთმა გაპატიოთ. დავასრულე ასევე ამ სასამართლო ფარსშიც მონაწილეობა. მოსამართლემაც ნახა, თუ დანახვა უნდა, უდავოდ ვუცნოთ აწი ყველაფერი, გავიდეს მოსამართლე სათათბიროდ“, - წერს გიგი უგულავა.

იხილეთ ვიდეო:"ხო გცემე, ხოდა ნაცემი ხარ და დავაი ახლა კუდამოძუებულად დაახვიე" - გიგი უგულავასა და ბადრი გავაშელიშვილს შორის სიტყვიერი დაპირისპირება მოხდა

ბორის სოკოლოვი - პუტინს ნებისმიერ ფასად უნდა ომში გამარჯვება, ამაზეა დამოკიდებული მისი პოლიტიკური მომავალი და ფიზიკურად გადარჩენაც, მაგრამ არ ვარ დარწმუნებული, რომ იგი მზადაა, გამოიყენოს თუნდაც ტაქტიკური ბირთვული იარაღი
ქართული პრესის მიმოხილვა 30.09.2022
ვანო მაჭავარიანი -  თუ ხელისუფლებამ არ იაქტიურა, იყოს უკრაინა-მოლდოვა- საქართველოს სამეულის ნაწილი, ჩვენ აღმოვჩნდებით უკრაინა-მოლდოვას ევროპული და ატლანტიკური მომავლის მიღმა, რაც ქვეყნისთვის კატასტროფა იქნება
კახა ოქრიაშვილი - ჩვენ, ქართველებს არ გვეკადრება ისეთი ხელისუფლება, რომელსაც საკუთარი ერი ფიზიკურ და ფსიქოლოგიურ ტერორში ჰყავს
კომპანია „აზრმა“ BDO Digital-თან თანამშრომლობით ISO 27001 სტანდარტი დანერგა
ბაზისბანკის ინვესტიციით, მესტიაში სასტუმრო „ლილეო ინნ“ გაიხსნა
სიახლე მხოლოდ „ლიბერთის“ მომხმარებლებისთვის
„შეცვალე“ – „პროკრედიტ ბანკი“ მასშტაბურ გარემოსდაცვით კამპანიას იწყებს
ვებ-გვერდ ss.ge-ზე ვიზიტორთა რაოდენობა 60 000-მდე გაიზარდა, მათ შორის 30% უცხო ქვეყნის მოქალაქეა
WhiteBit კრიპტოვალუტის ბირჟაზე ხელმისაწვდომი გახდა დოლარისა და ევროს გატანა Visa/Mastercard-ზე, ისევე როგორც უკრაინული გრივნის გატანა IBAN საბანკო ანგარიშის ნომერზე
„ჰიუნდაი ავტო საქართველომ“ 25 წლის იუბილე აღნიშნა
უძრავი ქონების პლატფორმას - Georgia Real Estate ახალი გენერალური დირექტორი ჰყავს
ბაზისბანკი, ბიზნესის დაკრედიტების ზრდის ტემპით, პირველ ადგილზეა
PSP “ჯანმრთელობის პროგნოზი“ - ახალ კამპანიას იწყებს