შემოსავლების სამსახურმა საქართველო-თურქეთის ერთობლივი კომიტეტის რიგით მე-3 შეხვედრას უმასპინძლა

7 ივლისს, საქართველოს ორდღიანი ვიზიტით, თურქეთის რესპუბლიკის ვაჭრობის მინისტრის მოადგილე რიზა თუნა თურაგაი ეწვია. აღნიშნულის შესახებ ინფორმაციას ფინანსთა სამინისტროს შემოსავლების სამსახური ავრცელებს.

ბათუმის საერთაშორისო აეროპორტში, ოფიციალური ცერემონიის ფარგლებში, მაღალი რანგის სტუმარს, ფინანსთა სამინისტროს შემოსავლების სამსახურის უფროსი ლევან კაკავა დახვდა.

უწყების ინფორმაციით, ერთობლივი საბაჟო კომიტეტის რიგით მე-3 შეხვედრის ფარგლებში, მხარეებმა გლობალური პანდემიის პირობებში, ორი ქვეყნის სავაჭრო-ეკონომიკური ურთიერთობები განიხილეს და თანამშრომლობის პრიორიტეტულ საკითხებზე ისაუბრეს. შეხვედრისას, ასევე ხაზი გაესვა საქართველოსა და თურქეთის რესპუბლიკის საბაჟო ადმინისტრაციების განსაკუთრებულ წვლილს, ორი ქვეყნის პარტნიორული ურთიერთობების გაღრმავების მიმართულებით. ამასთან, საუბარი შეეხო, ისეთ მნიშვნელოვან საკითხებს, როგორიცაა რკინიგზით გადაადგილებული საქონლის შესახებ ინფორმაციის გაცვლა, საქონლის წარმოშობის სერტიფიკატების გაცემის პირობები და სხვა.

ფინანსთა სამინისტროს შემოსავლების სამსახურის უფროსის ლევან კაკავას თქმით, საბაჟო სერვისების დიგიტალიზაციის პროცესში, აუცილებელია ინფორმაციის ელექტრონულად გაცვლა ოპერატიულ რეჟიმში მიმდინარეობდეს, რაც მნიშვნელოვნად გაამარტივებს საბაჟო ფორმალობებს და გაზრდის კონტროლის ღონისძიებების ეფექტურობას, როგორც საბაჟო გამშვებ პუნქტებში, ასევე გაფორმების ეკონომიკურ ზონებში.

,,საბაჟო კონტროლის განხორციელებისას მნიშვნელოვანია მიღებულ მონაცემთა ურთიერთგაცვლა, რომლის შედეგად კერძო სექტორისთვის გამარტივდება და დაჩქარდება საბაჟო პროცედურები. ჩვენ ადმინისტრაციებს შორის ყოველთვის იყო სამაგალითო თანამშრომლობა, რომელიც ხელს უწყობს საერთო მიზნების დროულად გამოკვეთას და მათ შედეგიან შესრულებას“,- განაცხადა ლევან კაკავამ.

ვიზიტის ფარგლებში, შემოსავლების სამსახურის ხელმძღვანელმა და რიზა თუნა თურაგაიმ, ხელი მოაწერეს „გამარტივებული საბაჟო დერეფნის შესახებ შეთანხმებას“.

ამასთან, როგორც გავრცელებულ ინფორმაციაშია აღნიშნული, გაფართოებულ ფორმატში მიმდინარე შეხვედრას, დაესწრნენ ფინანსთა სამინისტროს შემოსავლების სამსახურის უფროსის მოადგილე ვლადიმერ ხუნდაძე, საბაჟო დეპარტამენტის ხელმძღვანელი ზურაბ სიჭინავა, ასევე საერთაშორისო ურთიერთობათა დეპარტმენტის უფროსი სამსონ ურიდია და ორი ქვეყნის საბაჟო ადმინისტრაციების სხვა წარმომადგენლები.

სამუშაო შეხვედრის დასრულების შემდეგ თურქეთის რესპუბლიკის ვაჭრობის მინისტრის მოადგილემ რიზა თუნა თურაგაიმ ბათუმის გაფორმების ეკონომიკური ზონა დაათვალიერა და წინასწარი დეკლარირებისა და ტვირთების განბაჟების პროცედურებს ადგილზე გაეცნო.

კახა გოგოლაშვილი - როცა სტაბილიზაციისკენ მიმართული ნებისმიერი კონსტრუქცია ინგრევა, იქ სამოქალაქო დაპირისპირების საფრთხეც არსებობს
ქართული პრესის მიმოხილვა 29.07.2021
ლევან ალაფიშვილი - ოპოზიციამ მიუტევებელი შეცდომა დაუშვა, როცა პლებისციტი თვითმმართველობის არჩევნებზე მიბმულ პროცენტში გაცვალა
კომპანია "იორკ თაუერსმა" დავით ტურაშვილთან ერთად ახალი კამპანია წამოიწყო
"სამსუნგის" Bespoke მაცივარი - შექმნილია შენთვის, შენ მიერ (R)
GIZ-ის მხარდაჭერით დაგეგმილია გარემოს ეროვნული სააგენტოს ხელშეწყობა თანამედროვე მონიტორინგული სისტემების დანერგვის პროცესში
„ნიკოს ეზო“ და „ფარდაგები რაჭიდან“ - Social Impact Award-ის ფინალისტები საგანმანათლებლო სფეროდან
საქართველოს ეროვნული უნივერსიტეტის და SEU DEVELOPMENT-ის ერთობლივი საჩუქარი SEU-ს სტუდენტს და ოლიმპიურ ჩემპიონს, ლაშა ბექაურს
ქართული ეროვნული მაუწყებლების მიერ ფასიანი ტრანზიტის მოთხოვნასთან დაკავშირებით საქართველოს საკაბელო ტელევიზიების კავშირი განცხადებას ავრცელებს
განახლებული ფორმატითა და მიზნებით - Setanta Sports-ი მაუწყებლობას 13 ქვეყანაში იწყებს
ჩაერთე სილქფესტის შეთავაზებებში და გაიაქტიურე დიდი მოცულობის ინტერნეტ და სასაუბრო პაკეტები
"ტანტა" და თერაპიის ცენტრი "გრადაცია" - Social Impact Award 2021-ის ფინალისტები ინკლუზიური მისიით