გურამ მაჭარაშვილი - გიორგი გახარია დღეს ოპოზიციონერი არ არის, გადამდგარი პრემიერია - მისი მკვეთრი განცხადებები და ხისტი მიდგომები ემსახურება იმას, რომ როგორმე ოპოზიციონერის სტატუსი მოირგოს

გიორგი გახარიამ საკუთარი განცხადებით თავი დაიზიანა, რადგან თავად იყო პრემიერი და 20 ივნისის მოვლენებზე მთელი პასუხისმგებლობა მას ჰქონდა. თუ არიდებადი იყო ეს კონფლიქტი და ძალადობა, 20 ივნისს რატომ ვერ მოახერხა დაზიანებების არიდება?! ასევე პანკისის სპეცოპერაციის დროს,- ამის შესახებ უმრავლესობის წევრმა გურამ მაჭარაშვილმა განაცხადა, რითაც გამოეხმაურა “პრაიდთან” დაკავშირებული მოვლენების შესახებ გიორგი გახარიას შეფასებას.

მაჭარაშვილის თქმით, გიორგი გახარიას განცხადება, რომ სახელმწიფო არის ჩამოშლილი, მიანიშნებს იმაზე, რომ მას კარგა ხსნის განმავლობაში ჰქონდა იმის განცდა, რომ გუნდის დატოვებას აპირებდა.

“ამ შეფასების გაკეთება არ მეხალისება, მაგრამ მისი განცხადებები იძულებულს მხდის, რომ საზოგადოებას ის რეალობა ვუთხრათ, რაშიც ვცხოვრობთ. როცა გიორგი გახარია ამბობს, რომ სახელმწიფო არის ჩამოშლილი, ეს მიანიშნებს იმაზე, რომ მას კარგა ხსნის განმავლობაში ჰქონდა იმის განცდა, რომ გუნდის დატოვებას აპირებდა. თუმცა არა მხოლოდ ამ გუნდის, არამედ ქვეყნის იმიჯის დაზიანებას. აქედან გამომდინარე, ვფიქრობ, რომ მისი განცხადება ქვეყნის საწინააღმდეგოდაა მიმართული, ასევე მისი პოლიტიკური ორგანიზაციის, რადგან ის დღეს ოპოზიციონერი არ არის, არის გადამდგარი პრემიერი. საზოგადოება მას ასეთად აღიქვამს და კითხვები არის ყოფილი პრემიერის მიმართ. მისი ასეთი მკვეთრი განცხადებები და ხისტი მიდგომები ემსახურება იმას, რომ როგორმე ოპოზიციონერის სტატუსი მოირგოს. საზოგადოება ყველაფერს ხედავს და ამ ყველაფრის შედეგს შემოდგომაზე ვნახავთ”,- განაცხადა მაჭარაშვილმა.

შეგახსენებთ, რომ პარტია “საქართველოსთვის” დამფუძნებელი , გიორგი გახარია “პრაიდთან” დაკავშირებით განვითარებულ მოვლენებს გამოეხმაურა და განაცხადა, რომ ის, რაც ვნახეთ, „წარმოუდგენელი იყო“ და სახელმწიფომ მოქალაქეები ვერ დაიცვა.

“უმძიმესი საყურებელი იყო, როცა ჩამოშლილი სახელმწიფო დავინახეთ, როცა სახელმწიფო ვერ იცავდა ვერც კონსტიტუციას და ვერ დაიცვა ფიზიკური ძალადობისგან მოქალაქეები - ეს უუნარობის გამოხატულება იყო”,- განაცხადა გახარიამ.

ოთარ ჯანელიძე - რუსეთიდან შემომსვლელ მიგრანტებთან დაკავშირებით უნდა იგრძნობოდეს, რომ ვმოქმედებთ, როგორც სახელმწიფო
ქართული პრესის მიმოხილვა 26.09.2022
დიტერ ბოდენი - ქართულ-აფხაზური ურთიერთობების მოწესრიგების პროცესში საქართველო უნდა იყოს ლიდერი, სამწუხაროდ, ამ ეტაპზე ქართული მხრიდან ამას ვერ ვხედავ
სვისმედკომერსი - უმტკივენულო ანესთეზიის ტექნოლოგიის დანერგვა საქართველოს ბაზარზე
ლისის ტბაზე LISI VIBES გაიმართება
ლიბერთიმ მეთხილე ფერმერებისთვის ახალი აგროპროექტი დაიწყო
განახლებული ვაკის საცურაო აუზი ახალ სეზონს მასპინძლობს
ლიბერთის ახალი აქცია სამომხმარებლო სესხზე