ალუდა ღუდუშაური - შსს-ს ამოუწურავი რესურსი არ აქვს - ჰგონიათ, მინისტრი „კნოპკაზე“ ხელის დაჭერით გამოიყვანს და ქუჩაში დაატარებს სპეციალური დანიშნულების რაზმს

ვინც საქმეში კარგად ჩახედული არაა, ჰგონიათ, რომ მინისტრი ხელაღებით, „კნოპკაზე“ ხელის დაჭერით გამოიყვანს და ქუჩაში დაატარებს სპეციალური დანიშნულების რაზმს თუ საჯარისო ფორმირებებს, - ამის შესახებ საპარლამენტო უმრავლესობის წევრმა ალუდა ღუდუშაურმა „პალიტრანიუსის“ ეთერში, გადაცემა „360 გრადუსში“ განაცხადა, სადაც 5-6 ივლისს განვითარებულ მოვლენებზე ისაუბრა.

როგორც ალუდა ღუდუშაური აღნიშნავს, შინაგან საქმეთა სამინისტროს რესურსი ამოუწურავი არ არის.

„ნახავთ, რომ პრაქტიკულად სახელმწიფო და შინაგან საქმეთა სამინისტროც სრულ გაუგებრობაში იყო, „პრაიდის“ განცხადება დღის ბოლომდე არ იყო გაკეთებული. მედიით ვრცელდებოდა ინფორმაცია, რომ ახლა იმართება „პრაიდის“ ორგანიზატორების შეხვედრა, რომლებიც განცხადებას გააკეთებენ. მათ მიერ არ იყო გაცხადებული კონკრეტული ლოკაცია, სად მოხდებოდა ეს. შინაგან საქმეთა სამინისტროსაც ამოუწურავი რესურსი არ გვაქვს, საპირისპირო აზრის მქონე ადამიანისთვის შეიძლება იყოს პასუხი - სხვა შემთხვევაში, რატომ არ ადგა სახელმწიფო და არ გამოიყვანა ჯავშან ტრანსპორტი და რობოკოპები. ვინც საქმეში კარგად ჩახედული არაა, ჰგონიათ, რომ მინისტრი ხელაღებით, „კნოპკაზე“ ხელის დაჭერით გამოიყვანს და ქუჩაში დაატარებს სპეციალური დანიშნულების რაზმს თუ საჯარისო ფორმირებებს - ეს ასე არ არის“, - აღნიშნავს ღუდუშაური და დასძენს, რომ ყველა კითხვას პასუხი გაეცემა, ის დარწმუნებულია, რომ „შინაგან საქმეთა სამინისტრო აკეთებდა განცხადებებს, საზოგადოებას საქმის კურსში აყენებდა. ინფორმაციას აწვდიდა მოვლენებთან დაკავშირებით“.

მან „პრაიდის“ მოწინააღმდეგეების მხრიდან ჟურნალისტების მიმართ განხორციელებულ ფიზიკურ და სიტყვიერ შეურაცხყოფაზეც ისაუბრა და აღნიშნა: „ჟურნალისტების მიმართ, რომ იქნებოდა ასეთი სამარცხვინო ძალადობრივი აქტები, ამას ვერავინ გათვლიდა. არანაირი წინაპირობა არ არსებობდა. პოლიციის მხრიდან ფოკუსი იყო დაცვის ობიექტზე სულ სხვა კუთხით“ .

ბაკურ კვაშილავა - 19 აპრილის შეთანხმებიდან მმართველი გუნდის გამოსვლა არ ნიშნავს იმას, რომ იგი არ არსებობს - თუ მათ ხმების 43% ვერ მიიღეს, „ქართულ ოცნებას“ მოუწევს ვადამდელი არჩევნების დანიშვნა
ქართული პრესის მიმოხილვა 02.08.2021
ისრაელის ელჩი - საქართველოს ყველა მეგობრისთვის 5 ივლისის მოვლენები აბსოლუტურად შოკისმომგვრელი იყო
ვიქტორ ყიფიანი - მოქმედება თუ უმოქმედობა: ასარჩევი აი ეს არის
ურთიერთთანამშრომლობის მემორანდუმი კავკასიის უნივერსიტეტს და ქეჯის ბიზნესის სკოლას შორის
"თიბისის" აპლიკაციების კონკურსი იწყება
კავკასიის უნივერსიტეტის და ნიუ ჯერსის უნივერსიტეტის ერთობლივი ორმაგი ხარისხის პროგრამა