ევროკავშირი და ჯანმრთელობის მსოფლიო ორგანიზაცია საქართველოს კორონავირუსის მასობრივი ვაქცინაციის მომზადებაში ეხმარებიან.

როგორც დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელმა ამირან გამყრელიძემ ბრიფინგზე განაცხადა, დღევანდელი საჩუქარი, რაც საქართველომ ევროკავშირისა და ჯანმრთელობის სოციალური ორგანიზაციისგან მიიღო ვაქცინაციის პროცესის მეტად გაფართოებას ხელს შეუწყობს.

„ევროკავშირის წარმომადგენლები რა დახმარებასაც უწევენ ჩვენს ქვეყანას მნიშვნელოვანია განსაკუთრებით პანდემიის პერიოდში. დღეს გადმოცემის აქტიც გახლავთ მაგალითი ჩვენი პარტნიორების დახმარების. დღევანდელი საჩუქარი, რაც ევროკავშირისა და ჯანდაცვის მსოფლიო ორგანიზაციისგან მივიღეთ, რა თქმა უნდა, ხელს შეუწყობს ვაქცინაციის პროცესის მეტად გაფართოვებას. აქ წარმოდგენილია: ცივი ჯაჭვისთვის აუცილებელი სამაცივრე დანადგარები, გადასატანი ცივი ყუთები, სიცხის მონიტორინგისთვის საჭირო თერმომეტრები“, - განაცხადა გამყრელიძემ.