მიხეილ ჩხენკელმა ახალგაზრდა ფიზიკოსთა 34-ე საერთაშორისო ტურნირი გახსნა

ახალგაზრდა ფიზიკოსთა 34-ე საერთაშორისო ტურნირს 25-წლიანი პაუზის შემდეგ, კვლავ საქართველო მასპინძლობს. ტურნირი ქუთაისის საერთაშორისო უნივერსიტეტში 8-14 ივლისს გაიმართება. ინფორმაციას საქართველოს განათლებისა და მეცნიერების სამინისტრო ავრცელებს.

უწყების ცნობით, მიხეილ ჩხენკელმა ტურნირის გახსნის ღონისძიებაში დისტანციურად მიიღო მონაწილეობა და ახალგაზრდებს წარმატებები უსურვა.

„მოხარული ვარ, რომ ახალგაზრდა ფიზიკოსთა ტურნირში მონაწილეობენ მოსწავლეები, რომელთაც ზუსტი და საბუნებისმეტყველო მეცნიერებებისადმი განსაკუთრებული ინტერესი აქვთ. ტურნირში მონაწილეობით ისინი გაიღრმავებენ სამეცნიერო-კვლევითი მუშაობის უნარ-ჩვევებს, რაც სამეცნიერო მიღწევების ეპოქაში განსაკუთრებულად მნიშვნელოვანია.

სასიხარულოა ის ფაქტიც, რომ ესოდენ პრესტიჟული და მასშტაბური ტურნირი ქუთაისის საერთაშორისო უნივერსიტეტში ტარდება. მინდა ვისარგებლო შემთხვევით და ხაზგასმით აღვნიშნო, რომ ქუთაისის საერთაშორისო უნივერსიტეტის იდეისა და კონცეფციის ავტორის, ბატონი ბიძინა ივანიშვილისა და მისი ოჯახის უაღრესად მნიშვნელოვანი ქველმოქმედების შედეგად ქუთაისის საერთაშორისო უნივერსიტეტის მთავარი პროექტი რეალობად იქცა და დღეს ჩვენ გვაქვს საშუალება, ვუმასპინძლოთ ახალგაზრდებს ევროპული სტანდარტების მქონე უნივერსიტეტში.

ქუთაისის საერთაშორისო უნივერსიტეტის შექმნა მნიშვნელოვანი ნაბიჯია უმაღლესი განათლებისა და მეცნიერების ინტერნაციონალიზაციის მიმართულებით. ქართველი და საერთაშორისო მეცნიერების თანამშრომლობით, უნივერსიტეტში ადრონული თერაპიის ცენტრის ფუნქციონირება ხელს შეუწყობს ონკოლოგიური დაავადებების მკურნალობას და თანამედროვე კვლევებს მედიცინისა და ბირთვულ ფიზიკაში. ეს პროცესი ორი ციკლოტრონის შექმნისთანავე დაიწყება და ხელს შეუწყობს სამეცნიერო კვლევით პროცესს, ასევე, სიმსივნის მკურნალობას ულტრათანამედროვე პროტონული თერაპიის მეთოდით“,-განაცხადა მიხეილ ჩხენკელმა.

აღსანიშნავია, რომ ხუთი დღის განმავლობაში ახალგაზრდა ფიზიკოსთა ტურნირში 28 ქვეყნის ეროვნული ნაკრები იასპარეზებს, მათ შორის, 15 ქვეყნის გუნდი ქუთაისში ჩამოდის. ნაწილი კი, პანდემიის გამო, ონლაინ რეჟიმში მიიღებს მონაწილეობას.

ახალგაზრდა ფიზიკოსთა საერთაშორისო ტურნირის მხარდამჭერები არიან საქართველოს განათლებისა და მეცნიერების სამინისტრო, ქუთაისის მუნიციპალიტეტის მერია, ქუთაისის საერთაშორისო უნივერსიტეტი და საქართველოს ინოვაციების და ტექნოლოგიების სააგენტო. ტურნირის შესახებ დამატებითი ინფორმაცია ხელმისაწვდომია შემდეგ ბმულზე: www.IYPT.org

ისრაელის ელჩი - საქართველოს ყველა მეგობრისთვის 5 ივლისის მოვლენები აბსოლუტურად შოკისმომგვრელი იყო
ქართული პრესის მიმოხილვა 29.07.2021
კახა გოგოლაშვილი - როცა სტაბილიზაციისკენ მიმართული ნებისმიერი კონსტრუქცია ინგრევა, იქ სამოქალაქო დაპირისპირების საფრთხეც არსებობს
გიორგი ხვედელიანი - ვადამდელი არჩევნების დანიშვნას მიშელის ხელშეკრულება კი არა, ქართველი ხალხის ნება გადაწყვეტს
კომპანია "იორკ თაუერსმა" დავით ტურაშვილთან ერთად ახალი კამპანია წამოიწყო
"სამსუნგის" Bespoke მაცივარი - შექმნილია შენთვის, შენ მიერ (R)
GIZ-ის მხარდაჭერით დაგეგმილია გარემოს ეროვნული სააგენტოს ხელშეწყობა თანამედროვე მონიტორინგული სისტემების დანერგვის პროცესში
„ნიკოს ეზო“ და „ფარდაგები რაჭიდან“ - Social Impact Award-ის ფინალისტები საგანმანათლებლო სფეროდან