დასაქმების ხელშეწყობის სახელმწიფო სააგენტოს, თბილისის საკრებულოსა და გლდანის რაიონის გამგეობის ორგანიზებით, გლდანის რაიონში დასაქმების ფორუმი გაიმართა.

როგორც განათლების მინისტრის მოადგილემ თამარ ქიტიაშვილმა აღნიშნა, დასაქმების ფორუმის პროფესიულ კოლეჯში ჩატარება ხაზს უსვამს პროფესიული განათლების მნიშვნელობას.

მისივე თქმით, პროფესიული განათლება დღეს მიმართულია იმისკენ, რომ დასაქმების ბაზარზე ადამიანებს ხელი შეუწყოს, იყვნენ მოთხოვნადები.

„ის ფაქტი, რომ დღევანდელი დასაქმების ფორუმი ჩატარდა პროფესიულ სასწავლებელში, კიდევ ერთხელ უსვამს ხაზს იმას, რომ პროფესიული განათლება გახლავთ დასაქმებისთვის, მართლაც შესაძლებლობა როგორც ახალგაზრდებისთვის, ასევე ზრდასრულებისთვის. დღეს განათლების პროგრამები არის მრავალფეროვანი და შეთავაზება არსებობს ყველა ასაკის ადმიანისთვის ძალიან ბევრ დარგში სხვდასხვა მიმართულების პროგრამებზე. ხაზი მინდა გავუსვა, რომ პროფესიული განათლება დღეს მიმართულია იმისკენ, რომ ხელი შეუწყოს თანამედროვე ადამიანს იყოს თანამედროვე და მოთხოვნადი დასაქმების ბაზარზე“, - განაცხადა თამარ ქიტიაშვილმა.