მინისტრის მოადგილე - ისრაელის მიერ ზრუნვის დაწესებულებებისთვის პერსონალის შერჩევა ხდება საქართველოში - ისრაელი კვალიფიკაციას მოითხოვს, მათ შორის, დიპლომირებულ განათლებას

ისრაელის მხარის მიერ 24 საათიანი ზრუნვის დაწესებულებებისთვის პერსონალის შერჩევა ხდება საქართველოში - ისრაელი კვალიფიკაციას და განათლებას მოითხოვს, მათ შორის, დიპლომირებულ განათლებას და სერტიფიკატს, - ამის შესახებ დევნილთა, შრომის, ჯანმრთელობისა და სოციალური დაცვის მინისტრის მოადგილემ თამარ ბარკალაიამ "ინტერპრესნიუსთან" საუბრისას განაცხადა.

თამარ ბარკალაიას თქმით, ამ ეტაპზე დაახლოებით 100-110 ადამიანია წინასწარ შერჩეული, რომელიც აკმაყოფილებს ისრაელში დასაქმების კრიტერიუმებს.

„ისრაელთან უკვე მიმდინარე პროექტი არის. ჩვენ უკვე შერჩევის პროცესი გვაქვს და განსხვავება ის არის, რომ ისრაელში ზრუნვის სექტორია, სადაც 24-საათიანი ზრუნვის დაწესებულებების პერსონალის შერჩევა ხდება საქართველოში ისრაელის მხარის მიერ. ჩვენ ასევე მოლაპარაკებებს ვაწარმოებთ მრავალ ქვეყანასთან, ბულგარეთი არის მათ შორის და უკვე არის ხელშეკრულება ბულგარეთსა და საქართველოს შორის. ჩვენ როგორც კვიპროსთან, ასევე საბერძნეთთან, საფრანგეთთან აქტიურად ვთანამშრომლობთ.

კვოტირება ისრაელზე არის 500 ადამიანი, მაგრამ ამ შემთხვევაში სპეციფიური უნარებია საჭირო, ანუ გარკვეული ტიპის სამედიცინო ზრუნვის უნარები და განათლება არის საჭირო და აქედან გამომდინარე, ამ ეტაპზე დაახლოებით 100-110 ადამიანი არის წინასწარ შერჩეული, რომელიც აკმაყოფილებს კრიტერიუმებს. ჩვენ ვაგრძელებთ მუშაობას იმ მოქალაქეებთან, რომლებმაც ინტერესი გამოხატეს, მათ შორის, ვთანამშრომლობთ ადგილობრივ კოლეჯებთან, რომ მომზადება-გადამზადება ვუზრუნველოყოთ ამ ადამიანების, რომ ის უნარები საჭიროების და სურვილის შემთხვევაში შეიძინონ", - განაცხადა თამარ ბარკალაიამ.

მინისტრის მოადგილის განმარტებით, რადგან ისრაელში დასაქმება გარკვეულ განათლებას მოითხოვს, ამის გამო ინტერესი ნაკლებია.

"ყველაზე დიდი ინტერესი იყო გერმანიასთან დაკავშირებით. იმიტომ, რომ კონკრეტული განათლების საჭიროება არ იყო, ვინაიდან ისრაელი კვალიფიკაციას და განათლებას მოითხოვს, მათ შორის, დიპლომირებულ განათლებას და სერტიფიკატს - აქედან გამომდინარე, ინტერესი მაღალია, თუმცა კრიტერიუმები, რადგან არის უფრო მკაცრი და სპეციფიური, ამიტომ უფრო ნაკლები ადამიანია რეგისტრირებული", - აღნიშნა ბარკალაიამ.

გაამართლა თუ არა მართვის მოწმობის ასაღები გამოცდის რეალურ მოძრაობაში გადატანამ და როგორია ჩაბარება-ჩაჭრის მაჩვენებელი? - ინტერვიუ შსს-ს მომსახურების სააგენტოს დირექტორის მოადგილესთან
კორნელი კაკაჩია - ამერიკელი ანალიტიკოსების აზრით, „საქართველო არის ქვეყანა, რომელმაც დაკარგა სტრატეგიული კომპასი“ და „ახლა ძრავაგაჩერებულ მანქანას ჰგავს, რომელიც ინერციით მოძრაობს“
ქართული პრესის მიმოხილვა 03.10.2022
ტერაბანკისა და სააგენტოს „აწარმოე საქართველოში“ მხარდაჭერით, „ავეჯის აკადემიის“ საამქრო ახალი დანადგარებით აღიჭურვა
თბილისში „ელიტ ელექტრონიქსის“ ახალი კონცეფციის მაღაზია გაიხსნა
თბილისში „სმარტის“ 32-ე სუპერმარკეტი გაიხსნა
ბაზისბანკმა, შეღავათიანი აგრო კრედიტის ფარგლებში, ხილის გადამამუშავებელი ქარხანა დააფინანსა
ევექსი კლინიკებმა კამპანია - „გეკუთვნის“ დაიწყო
კახა ოქრიაშვილი - ჩვენი ეკონომიკა მინუსშია! დაბეჭდავენ ფულს, როგორც აქამდე და დაარიგებენ, ოღონდ ამ ფულით უფრო ნაკლებს ვიყიდით, ვიდრე დღეს ვყიდულობთ
წარმატება, რომელსაც BTU-მ 6 წლის განმავლობაში მიაღწია
ქართული ხალხური სიმღერის გამორჩეულ ოსტატსა და ლოტბარს, ტრისტან სიხარულიძეს სპეციალური ჯილდო - „მადლიერების ჩიტი“ გადაეცა