ვახტანგ გომელაური - სპეცრაზმი იყო გამოყვანილი, 3200 კაცი მუშაობდა, მაგრამ 20 ლოკაციაზე გაანაწილო, დაახლოებით 150 ადამიანი გამოდის ერთ ლოკაციაზე - ფიზიკურად აღარ არის საშუალება

საქართველოს შინაგან საქმეთა მინისტრის, ვახტანგ გომელაურის განცახდებით, თბილისში განვითარებული მოვლენებისას, უწყებას სპეცრაზმის თანამშრომლები რუსთაველის გამზირზე გაყვანილი ჰყავდა.

ამის შესახებ გომელაურმა ჟურნალისტებს განუცხადა.

როგორც შს მინისტრმა აღნიშნა, მმართველი ხელისუფლება 5-6 ივლისს განვითარებულ მოვლენებზე პასუხისმგებლობას იღებს.

„სპეცრაზმი გამოყვანილი იყო. მაინცდამაინც რობოკოპებით ჩაცმულებმა უნდა იარონ? ესენი ჩვეულებრივი პოლიციელები არიან. როცა სჭირდებათ ჩაცმა, უნდა აღიჭურვონ პლასტმასებით, ხელკეტებით. ეს ადამიანები გამოსულები იყვნენ. 3-4 დღეა ერთი და იგივეს ვლაპარაკობთ. პოლიტიკურ პასუხისმგებლობას ყველა ვიღებთ. ჩვენ ვართ მმართველი ხელისუფლება“, - განაცხადა გომელაურმა.

მისი თქმით, სამართალდამცველები მთელი თბილისის მასშტაბით იყვნენ გაშლილები, მათ შორის იყვნენ გაერო-ს ოფისთანაც.

„სპედანიშნულების რაზმი იყო გამოყვანილი, 3200 კაცი მუშაობდა იმ დღეს. თავიდან იყო სამი ლოკაცია, ამაზე გუშინ წინ ჩემმა მოადგილემ ისაუბრა. მერე გახდა 8 ლოკაცია და ბოლოს იყო 20. 20 ლოკაციაზე გაანაწილო ადამიანები, 3200 კაცი, დაახლოებით გამოვა 150 ადამიანი ერთ ლოკაციაზე. ფიზიკურად აღარ არის საშუალება“, - განაცხადა გომელაურმა.

ცნობისთვის, შინაგან საქმეთა მინისტრი ვახტანგ გომელაური პრეზიდენტის ადმინისტრაციაში იმყოფებოდა. მანამდე კი სალომე ზურაბიშვილთან იმყოფებოდნენ პატრიარქის მოსაყდრე, მეუფე შიო და საპატრიარქოს საზოგადოებასთან ურთიერთობის სამსახურის ხელმძღვანელი ანდრია ჯაღმაიძე.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს