მოსამართლეობის კანდიდატი - ვამაყობ,  რომ ლევან მურუსიძესთან ვსაქმიანობ და მაქვს ურთიერთობა - ვინც მურუსიძეს ხშირად ახსენებთ, თქვენც აღიარებთ მას ლიდერად

ვამაყობ, რომ ლევან მურუსიძესთან მაქვს ურთიერთობა - ყველა თავდასხმას პირველი ლევან მურუსიძე იღებდა და ამ გარემოებებმა აქცია ლიდერად, თქვენც აღიარებთ მას ლიდერად, - ასე მიმართა უზენაესი სასამართლოს მოსამართლეობის კანდიდატმა რევაზ ნადარაიამ „მოქალაქეების“ ლიდერს ალეკო ელისაშვილს იურიდიულ საკითხთა კომიტეტის სხდომაზე.

ალეკო ელისაშვილმა ნადარაიას ჰკითხა, უქმნის თუ არა უხერხულობას მას ის ფაქტი, რომ „ლევან მურუსიძე, რომელსაც სტრასბურგის სასამართლომ 5-ჯერ დაუდგინა დარღვევა, ლიდერობას იჩემებს“.

ნადარაიას თქმით, არ არსებობს ქვეყანა, სადაც სტრასბურგი დარღვევას არ ადგენს და ეს არ ნიშნავს, რომ მოსამართლე ვისთან დაკავშირებითაც დარღვევა დადგინდა, ცუდი მოსამართლეა. ელისაშვილმა მას ჰკითხა, თუ ახსენდება გერმანიის ან საფრანგეთის მოსამართლე, რომელსაც სტრასბურგმა 5-ჯერ დაუდგინა დარღვევა, რაც ნადარაიამ ვერ გაიხსენა, თუმცა, აღნიშნა, რომ ასეთი ფაქტს ადგილი ექნებოდა.

„პირიქით, ვამაყობ რომ ლევან მურუსიძესთან ერთად ვსაქმიანობ და მასთან მაქვს ურთიერთობა. ყველა ქვეყნის მოსამართლისთვის დაუდგენია დარღვევა სტრასბურგის სასამართლოს. ლევან მურუსიძე იყო იუსტიციის უმაღლესი საბჭოს მდივანი ახლა არის მოსამართლეთა ასოციაციის თავმჯდომარე და მთელი მისი საქმიანობა იბრძოდა სასამართლო სისტემის დამოუკიდებლობისთვის. ყველა თავდასხმა, რაც სასამართლო სისტემაზე მოდიოდა, იწყებოდა ლევან მურუსიძეზე თავდასხმით, ყველა ამ თავდასხმას ლევან მურუსიძე იღებდა პირველი და ამ გარემოებებმა ლევან მურუსიძე, ლიდერს რომ გაიძახით სულ, აქცია ლიდერად, თქვენც აქციეთ მათ შორის, ლიდერად, ყველა წინადადებაში ლევან მურუსიძეს იძახით. სასამართლოზე თავდასხმა როცა ვინმეს უნდა პირველი ლევან მურუსიძეს ესხმიან თავს და მერე დანარჩენ სისტემას, თქვენ, ვინც ლევან მურუსიძეს ხშირად ახსენებთ, თქვენც აღიარებთ მას ლიდერად“, - განაცხადა ნადარაიამ. ალეკო ელისაშვილმა კი აღნიშნა, რომ მურუსიძე „ცოტნე დადიანი ყოფილა და არ სცოდნია“.

თენგიზ ცერცვაძე - შეგვიძლია დაგიდასტუროთ, რომ დღეს საქართველოში მოსახლეობის COVID უსაფრთხოება საიმედოდ არის დაცული და პანდემია არ ახდენს ნეგატიურ გავლენას ცხოვრების ხარისხზე
კორნელი კაკაჩია - ამერიკელი ანალიტიკოსების აზრით, „საქართველო არის ქვეყანა, რომელმაც დაკარგა სტრატეგიული კომპასი“ და „ახლა ძრავაგაჩერებულ მანქანას ჰგავს, რომელიც ინერციით მოძრაობს“
არჩილ მორჩილაძე - ჯანმრთელობის დაზღვევის სფეროში სახელმწიფო შესყიდვების უმეტესობა ხელს უწყობს ქვეყანაში პოლიფარმაციას და გაუმართლებლად ზრდის დაზღვევის ღირებულებას
ქართული პრესის მიმოხილვა 06.10.2022
შეზღუდული პერიოდით “სკიო გუდაური” ბინებს არასეზონურ ფასად გაყიდის
საქართველოს ბიზნეს ასოციაციის წევრი კომპანიების წარმომადგენლები საქართველოს პრემიერ-მინისტრს შეხვდნენ
„საქართველოს ბანკის“ მხარდაჭერით, თბილისში ახალი მრავალფუნქციური სივრცე „კომბინატი - Combinaty“ იხსნება
ტერაბანკისა და სააგენტოს „აწარმოე საქართველოში“ მხარდაჭერით, „ავეჯის აკადემიის“ საამქრო ახალი დანადგარებით აღიჭურვა
თბილისში „ელიტ ელექტრონიქსის“ ახალი კონცეფციის მაღაზია გაიხსნა
თბილისში „სმარტის“ 32-ე სუპერმარკეტი გაიხსნა
ბაზისბანკმა, შეღავათიანი აგრო კრედიტის ფარგლებში, ხილის გადამამუშავებელი ქარხანა დააფინანსა
ევექსი კლინიკებმა კამპანია - „გეკუთვნის“ დაიწყო