"ქართული ოცნების" ამომრჩეველი არის რაციონალური - საქართველოს პატრიოტი ადამიანები არიან, რომლებიც ევროინტეგრაციის ფასეულობას, ამ პროცესში ხელისუფლების წარმატებასა და ქვეყნის უსაფრთხოების საჭიროებას კარგად აფასებენ, - ამის შესახებ პარლამენტის პირველმა ვიცე-სპიკერმა გია ვოლსკიმ ჟურნალისტებს განუცხადა.

ვოლსკის თქმით, "ქართული ოცნების" ამომრჩევლებმა იციან, რომ ნებისმიერი ძალადობა აღნიშნულ პრინციპებს აზიანებს.

"უნდა შევაფასოთ, ვინ დაზარალდა 5-6 ივლისს და ხმამაღლა ვინ გაჰყვირის იმ საკითხებზე, რაც სახელმწიფოს საკმაოდ რთულ მდგომარეობაში აყენებს. ყველა მოქმედება, რაც უკავშირდება ევროკავშირის დროშის ჩამოხევას, დაწვას და პოლიციის მიმართ დაუმორჩილებლობას, ასევე იმ ღონისძიებებს რაც პოლიციამ გაატარა - ამ ყველაფრის ანალიზიდან გამომდინარე, შეგვიძლია დავასკვნათ, იყო თუ არა ეს პროცესი “ქართული ოცნების” მიერ მხარდაჭერილი. ერთი მხარე გვადანაშაულებს ლიბერალიზმის უარყოფაში, ხოლო მეორე - მხარდაჭერაში", - აღნიშნა გია ვოლსკიმ.