სამხრეთ აფრიკისა და საქართველოს ნაკრებებში დაფიქსირებული COVID შემთხვევების გამო, მეორე ტესტ-მატჩი გაუქმდა
საქართველოს რაგბის კავშირის ინფორმაციით, სამხრეთ აფრიკისა და საქართველოს ნაკრებებში დაფიქსირებული COVID შემთხვევების გამო, მეორე ტესტი-მატჩი გაუქმდა.
როგორც ფედერაციის მიერ გავრცელებულ განცხადებაშია ნათქვამი, სიმპტომები დაუფიქსირდა გუნდის რამდენიმე წევრს, მათ შორის არის მთავარი მწვრთნელიც.
"ძვირფასო მეგობრებო, როგორც მოგეხსენებათ, სამხრეთ აფრიკისა და საქართველოს ნაკრებებში დაფიქსირებული კოვიდ შემთხვევების გამო, სამწუხაროდ, გაუქმდა ბოკესა და ბორჯღალოსნებს შორის გასამართი მეორე ტესტი-მატჩი.
ახლანდელი მდგომარეობით, სიმპტომები ჩვენი გუნდის კიდევ რამდენიმე წევრს დაუფიქსირდა, მათ შორის მთავარ მწვრთნელს ლევან მაისაშვილს. ყველა მათგანის მდგომარეობა სტაბილურია.
გულშემატკივარს ასევე აინტერესებს გაიმართება თუ არა ტესტი საქართველოსა და შოტლანდიას შორის, რასთან დაკავშირებითაც გაცნობებთ, რომ ხვალ დილით ველით კოვიდ-ტესტების პასუხებს, რომლის შემდეგაც დაზუსტებით მოგაწვდით ინფორმაციას საქართველო - შოტლანდიის მატჩის გამართვასთან დაკავშირებით", - ნათქვამია ინფორმაციაში.
