ფრაქცია „ლელო - პარტნიორობა საქართველოსთვის" წევრები მამუკა ხაზარაძე, ბადრი ჯაფარიძე, სალომე სამადაშვილი და პარტია "ლელოს საქართველოსთვის" წევრი ლანა გალდავა საკანონმდებლო ორგანოში შეხვდნენ ეკონომიკისა და ტრანსპორტის ექსპერტებს, ასევე კერძო სექტორის წარმომადგენლებს. ამის შესახებ ინფორმაციას ფრაქცია „ლელო - პარტნიორობა საქართველოსთვის" ავრცელებს.

„შეხვედრაზე განიხილეს საქართველოს სატრანსპორტო პოლიტიკა.შეხვედრაზე მოხდა საქართველოს სატრანზიტო შესაძლებლობების ანალიზი. განხილულ იქნა აღნიშნულ სექტორში უკანასკნელ წლებში განხორციელებული ცვლილებები, პრობლემები და პერსპექტივები.

შეხვედრის ერთ-ერთი მთავარი თემა იყო ანაკლია და ღრმაწყლოვანი პორტი, როგორც გაშვებული შესაძლებლობა საქართველოსთვის, რომელიც ქვეყანას სატრანსპორტო და გადაზიდვების კუთხით უდიდეს პერსპექტივას უხსნიდა. მსოფლიო ბაზარზე მთავარ მოთამაშედ პოზიციონირების საშუალებას მისცემდა და ამ მიმართულებით ქვეყანას ფულადი ნაკადების მობილიზების საშუალებას უჩენდა.

შეხვედრის ბოლოს გაიმართა დისკუსია“,- ნათქვამია ინფორმაციაში.