საქართველოს საგარეო საქმეთა მინისტრის მოადგილე უკრაინის საგარეო საქმეთა მინისტრის მოადგილეს შეხვდა

კიევში, უკრაინის საგარეო საქმეთა სამინისტროში საქართველოს საგარეო საქმეთა მინისტრის მოადგილის, თეიმურაზ ჯანჯალიას და უკრაინის საგარეო საქმეთა მინისტრის მოადგილის, ვასილი ბოდნარის ორმხრივი შეხვედრა გაიმართა. ამის შესახებ ინფორმაციას საგარეო საქმეთა სამინისტრო ავრცელებს.

მათივე ცნობით, შეხვედრაზე ხაზი გაესვა საქართველო-უკრაინის სტრატეგიულ პარტნიორობას, მხარეებმა დადებითი შეფასება მისცეს ქვეყნებს შორის უმაღლესი და მაღალი დონის ვიზიტების აქტიურ დინამიკას, მათ შორის საქართველოს პრეზიდენტის, სალომე ზურაბიშვილის ვიზიტს უკრაინაში, უკრაინის პრემიერ მინისტრის, დენის შმიგალის ვიზიტს საქართველოში, საქართველოს ვიცე-პრემიერის, საგარეო საქმეთა მინისტრის, დავით ზალკალიანის ვიზიტს უკრაინაში, და იმედი გამოთქვეს, რომ ეს დინამიკა მომავალშიც შენარჩუნდება.

„მხარეებმა ასევე განიხილეს ორმხრივ დღის წესრიგში არსებული მნიშვნელოვანი საკითხები, მათ შორის პოლიტიკური, სავაჭრო-ეკონომიკური, თავდაცვისა და უსაფრთხოების მიმართულებები. განსაკუთრებული ყურადღება დაეთმო თანამშრომლობას ევროპულ და ევროატლანტიკური ინტეგრაციის მიმართულებით, ხაზი გესვა ევროკავშირთან ასოცირებული ტრიოს ფორმატში თანამშრომლობის მნიშვნელობას და მისი შემდგომი განვითარების პერსპექტივებს. ყურადღება ასევე დაეთმო შავი ზღვის რეგიონის უსაფრთხოების საკითხებს, მათ შორის პარტნიორებთან ურთიერთქმედების გაძლიერებას. მხარეებმა ასევე განიხილეს უკრაინაში არსებული უსაფრთხოების მდგომარეობა. მინისტრის მოადგილეებმა დაუდასტურეს ერთმანეთს ქვეყნების ტერიტორიული მთლიანობისა და სუვერენიტეტის მხარდაჭერა. შეხვედრის ფარგლებში მხარეებმა ასევე მიმოიხილეს კოვიდ-19 -ის პირობებში ქვეყნებში არსებული ვითარება, ხაზი გაესვა პანდემიის წინააღმდეგ ბრძოლის კუთხით თანამშრომლობის გაძლიერების მნიშვნელობას, ასევე აღინიშნა ტურიზმის სექტორის სრულფასოვანი ამოქმედების აუცილებობა“, - ნათქვამია ინფორმაციაში.

ისრაელის ელჩი - საქართველოს ყველა მეგობრისთვის 5 ივლისის მოვლენები აბსოლუტურად შოკისმომგვრელი იყო
ქართული პრესის მიმოხილვა 02.08.2021
კახა გოგოლაშვილი - როცა სტაბილიზაციისკენ მიმართული ნებისმიერი კონსტრუქცია ინგრევა, იქ სამოქალაქო დაპირისპირების საფრთხეც არსებობს
გიორგი ხვედელიანი - ვადამდელი არჩევნების დანიშვნას მიშელის ხელშეკრულება კი არა, ქართველი ხალხის ნება გადაწყვეტს
კომპანია "იორკ თაუერსმა" დავით ტურაშვილთან ერთად ახალი კამპანია წამოიწყო
"სამსუნგის" Bespoke მაცივარი - შექმნილია შენთვის, შენ მიერ (R)
GIZ-ის მხარდაჭერით დაგეგმილია გარემოს ეროვნული სააგენტოს ხელშეწყობა თანამედროვე მონიტორინგული სისტემების დანერგვის პროცესში
„ნიკოს ეზო“ და „ფარდაგები რაჭიდან“ - Social Impact Award-ის ფინალისტები საგანმანათლებლო სფეროდან