ფრაქცია „ლელო - პარტნიორობა“ საქართველოსთვის“ ვახტანგ გომელაურის პარლამენტში გამოცხადებას მომავალი კვირისთვის ითხოვს

ფრაქცია „ლელო - პარტნიორობა“ საქართველოსთვის შს მინისტრის ვახტანგ გომელაურის პარლამენტში გამოცხადებას მომავალი კვირისთვის ითხოვს.

როგორც ფრაქციის წევრმა სალომე სამადაშვილმა პარლამენტის ბიუროს სხდომაზე განაცხადა, 5 ივლისის მოვლენების მიმართ ინტერესი ძალიან დიდია და მინისტრი ვალდებულია ყველა კითხვას პასუხი გასცეს.

„საზოგადოებაში მწვავე კითხვები დაგროვდა და მისი მოსმენა არ უნდა გადაიდოს. თბილისის ქუჩებში უპრეცედენტო ძალადობის ფაქტები ვნახეთ, რომელიც შს სამინისტროს სტრუქტურებმა არ და ვერ აღკვეთა. პარლამენტის პოზიცია უნდა იყოს, რომ რაც შეიძლება სწრაფად გამოცხადდეს მინისტრი და კითხვებს პასუხები გასცეს“, - განაცხადა სალომე სამადაშვილმა.

სამადაშვილის პასუხად, პარლამენტის ადამიანის უფლებათა დაცვის კომიტეტის თავმჯდომარემ მიხეილ სარჯველაძემ განმარტა, რომ წერილობითი მიმართვა შს მინისტრს უკვე გაეგზავნა. რაც შეეხება მოსმენის თარიღს, მისი თქმით, აღნიშნულ საკითხზე კონსულტაციები გაიმართება და თარიღი შეთანხმდება.

„ღია კარის მტვრევა საჭირო არ არის. როგორც კი თარიღზე შევთანხმდებით, მინისტრი მზად არის გამოცხადდეს“, - განაცხადა მიხეილ სარჯველაძემ.

ოპოზიცია გომელაურს პარლამენტის ადამიანის უფლებათა დაცვის კომიტეტში იბარებს.

იხილეთ ვიდეო:ფრაქცია "ლელო - პარტნიორობა" საქართველოსთვის" ვახტანგ გომელაურის პარლამენტში გამოცხადებას მომავალი კვირისთვის ითხოვს

გიორგი კანაშვილი - ჩვენ ერთსა და იმავე „ფილმს“ გვაყურებინებენ, პოლარიზებით ყველა დაიღალა, ხანდახან იქმნება წარმოდგენა, რომ თვითონ პოლარიზების შემოქმედნიც, მაგრამ, სამწუხაროდ, მაინც არაფერი იცვლება
ქართული პრესის მიმოხილვა 27.05.2022
ანაიტ ვოსკანიანი - სომხეთი მსოფლიოს ყველა ტიპის ტურისტისთვის მიმზიდველი ქვეყანაა
PSP ბიზნესის კორპორაციული სოციალური პასუხისმგებლობის ფორუმზე CSR FORUM 2022 ანგარიშით წარდგა
რომის სასულიერო მუსიკის პონტიფიკალურ ინსტიტუტსა და გიორგი მთაწმინდელის სახელობის საეკლესიო გალობის უმაღლეს სასწავლებელს შორის მემორანდუმი გაფორმდა
„დანკინი“ 2022 წლის ბოლომდე საქართველოში 100-მდე რესტორნით იქნება წარმოდგენილი
ელიტ ელექტრონიქსი 26 წლის იუბილეს აღნიშნავს
„საქართველოს ბანკმა“ ქართველ ემიგრანტებს დამოუკიდებლობის დღე ოთხ  ქვეყანაში ბილბორდებით მიულოცა