ახალგაზრდა ფიზიკოსთა 34-ე საერთაშორისო ტურნირი გაიხსნა

25 წლიანი პაუზის შემდეგ, ახალგაზრდა ფიზიკოსთა 34-ე საერთაშორისო ტურნირს (The 34th International Young Physicists’ Tournament 2021) კვლავ საქართველო, კონკრეტულად კი ქუთაისის საერთაშორისო უნივერსიტეტი მასპინძლობს. ამის შესახებ ინფორმაციას ქუთაისის საერთაშორისო უნივერსიტეტის საზოგადოებასთან ურთიერთობის სამსახური ავრცელებს.

მათივე ინფორმაციით, ჩემპიონატში წელს, 27 ქვეყნის ეროვნული ნაკრები მონაწილეობს, რომელთაგან 15 ქვეყნის გუნდი ქუთაისს უკვე ეწვია.

8 ივლისს, ტურნირი ქუთაისის ლადო მესხიშვილის სახელობის პროფესიული სახელმწიფო დრამატული თეატრის დარბაზში საზეიმოდ გაიხსნა. ჩემპიონატში წელს, 27 ქვეყნის ეროვნული ნაკრები მონაწილეობს, რომელთაგან 15 ქვეყნის გუნდი ქუთაისს უკვე ეწვია, ეს ქვეყნებია: ავსტრია, ჩეხეთი, საბერძნეთი, სლოვაკეთი, ბულგარეთი, უკრაინა, რუსეთი პაკისტანი, შვეიცარია, ხორვატია, უნგრეთი, ბელარუსი, პოლონეთი, ირანი. შემდეგი ქვეყნების გუნდები კი, ონლაინ რეჟიმში ერთვებიან ჩემპიონატში: ავსტრალია, ბრაზილია, კანადა, გერმანია, ინდოეთი, კორეა, მაკაო, ახალი ზელანდია, სინგაპური, შვედეთი, ტაილანდი, ტაივანი და ჩინეთი. ახალგაზრდებს რამდენიმე დღის მანძილზე, შესაძლებლობა აქვთ საკუთარი უნარები ფიზიკის ღია ტურნირში გამოცადონ.

ახალგაზრდა ფიზიკოსთა 34-ე საერთაშორისო ტურნირი საქართველოს განათლებისა და მეცნიერების მინისტრმა მიხეილ ჩხენკელმა გახსნა. მინისტრი ღონისძიებაში დისტანციურად მონაწილეობდა და ახალგაზრდებს წარმატებები უსურვა. გახსნის ცერემონიას ქუთაისის საერთაშორისო უნივერსიტეტის რექტორი, ალექსანდრე თევზაძე, KIU-ს კანცლერი, მაგდა მაღრაძე, ფონდ „ქართუს“ პროექტების დირექტორი, ვახტანგ ცაგარელი, ახალგაზრდა ფიზიკოსთა საერთაშორისო ტურნირის თავმჯდომარე, მარტინ პლეში, ქალაქ ქუთაისის მუნიციპალიტეტის მერის პირველი მოადგილე, დავით ერემეიშვილი, ჟიურის წევრები, სტუდენტები და მოწვეული სტუმრები ესწრებოდნენ.

“ქუთაისის საერთაშორისო უნივერსიტეტი ახალგაზრდა ფიზიკოსთა საერთაშორისო ტურნირს მასპინძლობს. ეს არის საერთაშორისო მნიშვნელობის ტურნირი, რომელშიც ტრადიციულად, წლების განმავლობაში სხვადასხვა ქვეყანა იღებს მონაწილეობას და საინტერესო შეჯიბრებები მიმდინარეობს. წელს, პანდემიის მიუხედავად, მოხერხდა, რომ 15 ქვეყნის გუნდი ადგილზე ჩამოვიდა საქართველოში, ხოლო 12 ქვეყანა ონლაინ ერთვება უცხოეთიდან. ჩვენ ძალიან გვიხარია, რომ ამ ტურნირის მასპინძლად 25 წლის შემდეგ, კვლავ სქართველო იქნა შერჩეული და ამ შემთხვევაში, ქუთაისის საერთაშორისო უნივერსიტეტი“, - განაცხადა ქუთაისის საერთაშორისო უნივერსიტეტის რექტორმა, ალექსანდრე თევზაძემ.

ახალგაზრდა ფიზიკოსთა საერთაშორისო ტურნირი, რომელსაც ხშირად „ფიზიკის მსოფლიო თასს“ (“Physics World Cup”) უწოდებენ, ყოვეწლიურად ტარდება და საშუალო სკოლის მოსწავლეებისათვის მნიშვნელოვან ინტელექტუალურ კონკურსს წარმოადგენს. ტურნირის მიზანია, წარმოაჩინოს მონაწილეთა უნარები, წარმატებით გადაჭრან ფიზიკაში დასმული პრობლემები, წარმოადგინონ ჩატარებული კვლევების შედეგები და შეძლონ მათი დაცვა მოწინააღმდეგე გუნდებთან გამართულ სამეცნიერო დისკუსიებში.

„მოხარული ვარ, რომ წლევანდელი ტურნირი ქუთაისის საერთაშორისო უნივერსიტეტში ტარდება და ჩვენი გუნდები ამ მეტად პრესტიჟულ უნივერსიტეტში იასპარეზებენ. ახალგაზრდა ფიზიკოსთა საერთაშორისო ტურნირს მრავალწლიანი ისტორია აქვს და ის აერთიანებს ნიჭიერ ახალგაზრდებს მსოფლიოს სხვადასხვა ქვეყნიდან. მონაწილე გუნდებს წარმატებები მინდა ვუსურვო “, - განაცხადა ახალგაზრდა ფიზიკოსთა საერთაშორისო ტურნირის თავმჯდომარმ, მარტინ პლეშიმ.

ტურნირის მრავალწლიან ისტორიაში საქართველოს ნაკრებებს სხვადასხვა წელს მოპოვებული აქვთ გუნდური ბრინჯაოს - 8, ვერცხლის - 3 და ოქროს 1 მედალი.

„აღსანიშნავია, რომ 1996 წელს, საქართველოში, წყალტუბოში ჩატარდა ახალგაზრდა ფიზიკოსთა მე-9 საერთაშორისო ტურნირი, სადაც მსოფლიოს 18 ქვეყნის გუნდი იღებდა მონაწილეობას. 25-წლიანი პაუზის შემდეგ ახალგაზრდა ფიზიკოსთა საერთაშორისო ტურნირს საქართველო მასპინძლობს. პროექტის წარმატებით განხორციელება ხელს შეუწყობს მოსწავლეების მეტად დაინტერესებას ზუსტი და საბუნებისმეტყველო მეცნიერებებით, განუვითარებს მათ მკვლევარისთვის აუცილებელ თვისებებს, პრობლემის გადაწყვეტისათვის საკუთარი კონცეფციის გამომუშავებისა და წარმოჩენის უნარებს. ამ პრესტიჟული და მასშტაბური საერთაშორისო ღონისძიების ჩატარება კი, მნიშვნელოვან წვლილს შეიტანს მსოფლიო საზოგადოების მხრიდან საქართველოს შესახებ ცნობიერების ამაღლებას.

ახალგაზრდა ფიზიკოსთა საერთაშორისო ტურნირის მხარდამჭერები არიან ქუთაისის საერთაშორისო უნივერსიტეტი, საქართველოს განათლებისა და მეცნიერების სამინისტრო, ქუთაისის მუნიციპალიტეტის მერია და საქართველოს ინოვაციების და ტექნოლოგიების სააგენტო.

დამატებითი ინფორმაცია ხელმისაწვდომია შემდეგ ბმულზე: www.IYPT.org“, - ნათქვამია ინფორმაციაში.

ვლადიმერ ფესენკო - უკრაინის გარეშე უკრაინის მომავალზე შეთანხმების ნებისმიერი მცდელობები დამარცხებისთვისაა განწირული
დავით თვალაბეიშვილი - ჩვენ მხარს ვუჭერთ ევროკავშირის ენერგეტიკული გაერთიანების მედიაციის გაგრძელებას და მოვუწოდებთ მასში ჩართულ ყველა მონაწილეს, გამოვიყენოთ ეს შესაძლებლობა
ქართული პრესის მიმოხილვა 23.07.2021
თორნიკე შარაშენიძე - ხელისუფლების სერიოზული შეცდომა იყო ვაშინგტონისთვის არასწორი ინფორმაციის მიწოდებაში აშშ-ს ელჩის დადანაშაულება, შესაძლოა, ეს ამბავი მათ მომავალში ცუდადაც კი დაუბრუნდეთ
პირველად საქართველოში - დავით ტატიშვილის სამედიცინო ცენტრში უნიკალური ოპერაცია ჩატარდა
მინერალური წყალი „ბორჯომი“ ახალ კამპანიას იწყებს
„სინერჯი“ თევზის კომპანია „უმალის“ პარტნიორი გახდა
დავით ტატიშვილის სამედიცინო ცენტრმა ამჯერად ახალი ამბულატორიული ცენტრი აჭარის რეგიონში, ბათუმში გახსნა